Дода латифалар

Ота-бола ҳайвонот боғига келишибди. Бир пайт болакай бақира бошлабди:
— Ада-ада қаранг, шимпанзе!
— Юр, шимпанзени нарироқда кўрсатаман. Бу кассир, ўғлим!

Россиялик олимлар Сибирдаги чаналарга итларни боғлаб ҳаракатланувчи одамларни синаб кўриш мақсадида, уларга Камаз беришибди.
Орадан бир йил ўтгач, олимлар натижани билиш учун Сибирга қайтишибди. Олимлар:
— Ҳўш, сизларга берган машинамиз ёқдими? – деб сўрашса,
ҳалиги одамлар:
— Ҳа. Фақат итларимиз тортишга қийналишяпти-да... – дейишибди.

Ёмғирли кунларнинг бирида, бир аёл дўкондан уйига қайтаётган экан. Ортидан бир эркак изма-из кела бошлабди. Жуда-ям яқин кела бошлаганини кўрган аёлнинг ўтакаси ёрилай дебди.
Қўрқувдан қалтирашга тушган аёл бояги эркакка ўгирилиб қараса, эркак:
— Қўрқманг! Мен шунчаки, янги этигим лой бўлмасин деб, изингизни босиб келяпман холос...! – дебди.

Иккита гадой кечада ўтган-кетганлардан садақа сўраб ўтиришган экан, бир йигит ёнларидан уларга салом бериб ўтибди. Шунда гадойлардан бири иккинчисига:
— Яхши бола экан, нега пул сўрамадинг?
Иккинчи гадой эса:
— Эй, калтафаҳм, агар пули бўлса салом берармиди...?!

Ўрмондан қўзиқорин тўла сават билан чиққан эркак:
— Ау, ау, ау, - деб ҳар ёққа югуриб юрган экан, ўткинчилардан бири:
— Нима бўлди дўстим? Қўзиқориндан кўпроқ еб қўйдингми?, - деса, бояги одам:
— Йўқ, Ауди машинамни ўғирлаб кетишибди...

Иккита жуда иноқ дўстлар бўлган экан. Бир-бирини ҳурмат қилишар экан.
Автобусга чиқишда, — Сиз чиқинг! Йўқ, аввал сиз чиқинг!" - деб бир-бирига йўл берар экан. Овқат ейишса, — Сиз олинг! Йўқ, сиз аввал олинг, - дейишаркан.
Тақдир тақазоси билан иккаласи ҳам бир кунда уйланишибди. Иккала дўстни аёлларининг вақти-соати келса ҳам кўзи ёримабди.
Йигитлар хотинини текширувга олиб борса, ҳомила эгизак экан.
Иккала аёлни эгизаклари ҳам, — Сиз тушинг, сиз биринчи тушинг! - деб ётишганмиш.

— Ўғлим, аквариумдаги сувни янгиладингми?
— Йўқ, ойижон! Балиқчалар ҳали сувни ичиб бўлишмабди.

— Нега қулоқларинг боғлаб ташланган дўстим?
— Кийимларимни дазмол қилаётгандим, телефон жиринглаб қолди. Телефон деб дазмолни кўтарибман.
— Иккинчи қулоғинг-чи? Унисига нима бўлди?
— Тез ёрдамга қўнғироқ қиламан деб, яна дазмолни кўтариб юборибман-да...

Беш ёшли ўғли адасидан сўраяпти:
— Ада, нимага ойимнинг қорни ишиб кетаяпти?
Адаси:
— Ойинг тарвуз еяётганида уруғини туширмасдан еган. Шунга қорнида тарвуз ўсиб чиқяпти.

— Устозинг сенга қўшимча савол ҳам бердими?
— Ҳа.
— Нимани сўради?
— Тентакмисан? деди.