Дода латифалар

Бир одамнинг қўшниси қазо қилибди. Шериги билан қўшнисига қабр ковлагани боришибди. Навбат билан ковлай бошлабди. Охири шериги тушибди-да, ковлаб бўгандан кейин:
— Уф-ф, чарчадим, - деб ўтириб олибди.
— Чиқ! - деса,
— Одам чарчагандан кейин гўрданам чиқгиси келмай қолар экан, - дермиш.

Бир аскар бувисига хат ёзибди:
"Меҳрибон бувижоним! Сизни кўргани бориш учун рухсат сўрадим. Лекин беришмади. Уйда бирор арзирли сабаб бўлмаса, бизларга уйга рухсат бермас экан.
Шу сабаб, конвертга қўшиб, посылка жўнатяпман. Посылка ичида граната бор. Шу гранатани симини тортсангиз, мен уйга бориб-келардим".

Бир официант врач ёнига келиб, шикоят қилибди:
— Доктор, тунлари тушимга иш вақтим киради. Менга хўрандалар овқатланиб бўлгач, чой пули узатишса, мен пулларни олмасдан, қўлим билан итариб ташлайман, - дебди.
Врач:
— Сизга қандай ёрдам беришим мумкин?! Тинчлантирадиган дори ёзайми?
— Йўқ доктор, қўлларимни синдириб ташланг!

— Сен биринчи узат!
— Йўқ, сен узат!
— Биринчи узат!
— Узат!
— Бунақада ошни тарқатиб бўлмаймиз. узат, кутиб қолишди меҳмонлар.

Йўл патруль хизмати ходими шубҳали машинани тўхтатса, рульдаги ҳайдовчи ғирт маст эмиш.
— Ичиб турасизми ҳайдовчи? - деб сўрабди ходим.
Ҳайдовчи ароқ тўла пиёлани унга узатиб:
— Сиз билан биринчи мартта, - деган экан.

Бир отанинг ношуд ўғли бор экан. Нуқул айтилган ишни тескари бажараркан.
Кунларнинг бирида ота-бола эшакда бир қоп ун олиб, кўприкдан ўтаётишса, ун эшакни устидан тушиб қолибди. Шунда отаси:
— Ўғлим қопни сувга ташлаб юбор, - деса, ўғли ариққа унни ташлабди. Отаси:
— Сен нуқул айтганимни тескарисини қилар эдинг-ку?!, - дебди. Ўғли эса:
— Ҳа энди, бир мартта айтганингизни қилай дедим-да, ада, - дермиш.

— Дўстим, мен китоб ўқиганимда шунчалик кўп билимлар миямга киради-ки ...
— Сени миянгда бўш жой кўп-де ўзи, ўртоқ!!!

Кечаси хилват кўчада:
— Кечирасиз оғайни, чекишдан топилмайдими?, - дебди маст бир киши ўтиб кетаётган йигитга.
— Мен чекмайман. Уч кундан бери айтяпман, мен спортчиман. Сигарет йўқ менда!
— Ие, танимабман қаранг! Бой бўларкансиз...

— Оғайни, сен чет элларга тез-тез бориб турасан. Айтчи, Парижга бориб-келиш қанчага тушади?
— Агар хотининг билан борсанг, тахминан бир ярим минг евро кетади. Агар ёлғиз борсанг, беш-олти минг евродан кам пул олма!

— Итингизни думини нега кесиб ташладингиз?
— Қайнонам келганида думини ликиллатганига чидай олмадим.