Дода латифалар

Бир аёлни эри оламдан ўтибди.
Аёл қабр устида йиғлаб дардини тўкиб солибди:
— Ўғлимизга шим, қизимизга кўйлак, у керак бу керак, - дебди.
Кечаси тушига эри кириб:
— Хотин ман ўлдим, Дубайга кетганим йўқ, — дебди.

Қамоқхонада ўтирган болага онадан хат келибди:
— Болам огородни чопиш, картошка экиш керак, энди ман қариб қолдим, бир ўзим қийналвоман, дебди.
Ўғли хат ёзиб конвертни юзига, "Онажон огородни чопманг сизниям қамашади, мангаям срок қўшишади", деб ёзиб қўйибди.
Бир ҳафтадан кейин онадан хат келибди:
— Болам сандан хат кеганидан кейин, уйимизга 4та милиция келди, бутун огородни чопиб ташашди, дебди.
Бола онага жавоб хати йўллабди:
— Она қўлимдан кегани шу, картошкани ўзиз амаллаб экволарсиз, дермиш.

Нафақага чиқаётганингда, бир умр пул тўланадиган таътилни орзу қилганингни эсла!

"Биз яхшироқ яшашни бошладик!" деди амалдорлар.
"Аввал ҳам ёмон яшамагансизлар!" деди халқ.

"Дунёда тинчлик!" жумласини инсонларга содда тилда тушунтириш учун мусобақа эълон қилинибди. Интернетда 200 та жумла орасида энг кўп овоз тўплагани - "Болалар уйқуда!" жумласи биринчи ўринни олибди.

Эшкакчилар ўртасида мусобақа ўтказилди. Ҳар бир қайиқ 9 кишини кўтара олар эди. Япония эшкакчилари ғолиб бўлибди. Бизникилар эса энг охирги.
Натижа таҳлилига кўра японлар қайиғида 1 та бошлиқ ва 8 та эшкакчи бор экан.
Бизникилар гуруҳда эса 1 та умумий бошлиқ, 3 та ўринбосар, 4 та бўлим мудири ва 1 та эшкакчи бор эди. Бизникилар дарров мағлубият сабабини аниқлашди. Эшкакчи айбдор! У ишдан кетибди.

Қиз онаси билан докторга борибди. Доктор қизга:
— Ечининг, текширамиз, - деса
Қиз:
— Мен эмас, ойим касал, - деса
Доктор:
— Қани опажон оғзингизни очиб: "А-А-А" - денгчи дермиш.

Ақлли капалак атиги бир кун яшашини билиб қолиб, ўша куни жиноят қилган экан, 15 кун ўтириб чиқибди.

Акула боласи онасидан сўрабди:
— Она, нега биз одамни ейишдан аввал сувда уни атрофида уч мартта айланамиз? Дарров еб қўйсак бўлмайдими?
Онаси дебди:
— Дарров еб қўйсанг, ошқозонингда бақиравериб жонга тегади. Аввал сувда бақириб олсин, кейин ейсан!

— Кечирасиз, шу яқин-атрофда милицияни кўрмадингизми?
— Йўқ, кўрмадим.
— Унда ҳамёнингни бер овсар!