Дода латифалар

Бир аёл онасини 2 кунга онасини кўриб келиш учун кетибди. Кетаётиб эрини вафодорлиги синамоқчи бўлибди.
Эртаси куни уйга хотини қайтиб келса эрини жаҳли чиқиб ўтирган эмиш.
— Онаси, қошиқларни қаерга қўйгансан? Кеча топа олмай, овқатни қўлда едим, - деса, хотини ётоқхонага кириб эри ухлайдиган кўрпани тагини очиб:
— Мана қошиқлар. Агар мен йўқлигимда ҳам уйда ухлаганингизда кўрган бўлар эдингиз, - дермиш.

Мессидан бир ўзбек журналисти интервью олибди:
— Нега сиз кутилмаганда бизнинг футбол жамоамизга ўтдингиз?
Месси жавоб берибди:
— Бу ерда яхши экан! Коптокни хоҳлаган тарафга тепса бўларкан...

Навбатдаги мағлубиятдан кейин Ўзбекистон футбол ишқибозлари чойхонага кириб аскиялашиб ўтиришганмиш:
— Ман ўйинчиларимиз тепган тўпини капалакка ўхшатдим.
— Нега?
— Бурчакдан тўп тепишлари ҳудди капалак оҳиста учиб, рақиб дарвозабонини қўлига секингина қўнгандай бўлганлиги учун...
— Мен эса ўйинчиларимизни эртакларимиздаги кенжа ботирга ўхшатдим.
— Нега?
— Тўп билан дарвозага яқин келганда дарвозага тепайми, чапга оширайми ёки ўнггами? - деб чуқур ҳаёлга ботишганлиги учун...
— Мен эса ўйинчилармизни меҳмондўст азаматларга ўхшатдим.
— Нега?
— Ҳеч кўптокни талашишмайди. Олинг-олинг деб меҳмонларга узатгани учун...

Математик билан физик ўрмонда сайр қилиб юришса, олдиларидан оч айиқ чиқиб қолибди. Иккови саросимага тушиб математик дебди:
— Айиқни тезлиги 20км/соат, оғирлиги 300кг, қочиш бефойда, барибир етволади...
Физик бўлса:
— Айиқ ошқозонининг ҳажми 20 куб.дециметр. Одам ҳажми 100 куб.дециметр. Айиққа сен математикни ўзи бемалол етади. Қочиб қолиш керак! – дебди.

Ота:
— Онаси, шумтака ўғлинг ердаги қорни еяпти!
Она:
— Қор емасин, томоғи оғрийди!
Бироздан сўнг, ота:
— Онаси, қор ростданам ширин экан!
Она:
— Ҳа, яхши...

Тиббиёт институти талабалари ўқитувчиси билан моргда амалий машғулот ўтишмоқда. Ўқитувчи:
— Биз врачлар ҳеч нарсадан жирканишимиз керакмас. Масалан, мана шу жасадни ўлишидан аввал нима таом еганини билиш учун оғзига бош бармоғимизни тиқиб, сўнг бармоғимизни ялаб кўрамиз, - деб кўрсатиб берибди.
Табиийки, ҳамма талабалар устозининг орқасидан шундай қилишибди.
Шунда ўқитувчиси:
— Тўғри қилдинглар, лекин врачлар эътиборли ҳам бўлиши керак. мен бош бармоғимни тиқиб, ўрта бармоғимни ялагандим, сизларга ўхшаб бош бармоғимни яламагандим... – дермиш.

Йигитларнинг қизларга айтадиган машҳур баҳоналари:
1. Кейин ўзим телефон қиламан (Сен билан гаплашгим йўқ!);
2. Уйдагилар қўнғироқ қилишватти (Кеча танишган қиз 2-линияга тушватти);
3. Албатта уйланаман! (Сендан қачон қутуламан!?);
4. Овозинг яхши эшитилмаяпти (Қачон гапинг тугайди?!)
5. Кейинги ҳафта армияга кетаман (Алвидо!)

Соқол қўйган йигитга кўпчилик "Соқолингни олдириб ташла!" дебяверишади-ю, лекин тор шим кийган қизга "Бувиларинг, момоларинг бундай юришмаган. Узун кўйлак кийиб ол!" деб ҳеч ким гапирмайди.

— Дўстим, уйимда сувараклар жуда-ям кўпайиб кетди. Нима қилишни билмаяпман.
— Сен уларга эшитиладиган қилиб “Уйда овқат йўқ! Егулик умуман йўқ!” деб бир неча бор такрорлагин!
Эртаси куни:
— Ҳўш, нима бўлди дўстим? Кеча айтганларимни қилдингми?
— Ҳа, ҳудди сен айтгандек қилдим.
— Натижаси қалай?
— Ярим тунда кимдир биқинимдан туртди. Туриб қарасам, бир гала сувараклар атрофимни ўраб олиб, “Сенга овқат олиб келдик. Еб ол!” деб туришибди...!

Отанинг қизига насиҳати:
Энди она қизим, ҳар бир қиз ўз уйига “Гости”. Шундай экан, сенга айтар Статусим: Куёвникига борганда “Закрыть Профиль” бўлгин. Эрингдан бошқаси сенга “Дружба” ташласа “Игнор” қилгин. Эрингни камчиликларини ҳамиша “Невидим” қилгин. Қайнота-Қайнонангни ҳар бир гапига “Класс” деб тургин. Уйдаги “Сообшения” ва “Обсуждения”ларни бизга ва кўчадагиларга асло “Копиравать” қила кўрмагин. Қўшниларингга “Друзья” бўл! Қайнопаларинг билан эса “Лучшие Друзья” бўлгин. Ҳар бир қилиқларига “Лайк” деб тургин. Уларнинг “Чёрный списка»сига асло туша кўрмагин!