Дода латифалар

Бир одам бекатда турган экан, ёнига нотаниш киши югуриб келиб, ўша одамни бошига бир чертибди-да:
— Латта, - деб яна югуриб кетворибди.
Ҳалиги одам уйига келиб, хотинига бўлган воқеани айтиб берибди. Эртасига яна ўша бекатда турса, яна ўша киши югуриб келиб, бошига бир чертиб:
— Сотқин, - деярмиш.

Ойижон ман мушукчамни топдим!!!
— Жиннимисан қизим, 35га кирдинг, эр топ энди.

Кун иссиқ! Ошхонада ярим кунимни чучвара тугишга сарфласам-у, эрим ишдан келиб, чучвараларни еб "Бошқа бунақасидан сотиб олмагин!" деса одамга алам қиларкан.

Эркак кишини бир қулоғидан кирган гап, иккинчисидан чиқиб кетади, аёл кишини икки қулоғидан кирган гап оғзидан чиқиб кетаркан...

Бир ишчи бошлиғига қўнғироқ қилиб дебди:
"Ўртоқ бошлиқ, сиз бизни телефондаги барча суҳбатларимизни эшитиб боришингизни, ҳамма ишларимиздан хабардор эканингизни айтгандингиз. Бугун менга хотиним ишдан қайтишда бозордан нималар харид қилишни айтган эди. Эслолмаяпман, айта олмайсизми?!"

Врач қабулида:
— Доктор, тишларим негадир сарғайиб тўкиляпти...
— Бу ахир табиий-ку! Ҳозир куз фасли бўлса...

Фермада яшайдиган сигир буқани севиб қолибди.
Буқага чиройли кўриниш учун озаман деб овқат емай қўйибди.
Буни кўрган ферма эгаси сигирни қассобга топшириб юборган экан.

Кириш имтиҳонлари, охирги босқич.
— Билет тортинг!
— Савол: Коррупцияга қарши кураш агентлиги...
— Хўш жавоб борми?
— Тайёрланмаган эдим...
— Майли борақолинг, баҳоингиз 4!
— Раҳмат ада!

— Салом Барнохон!
— Ким бу?
— Сиз мени танимайсиз. Лекин мен сизни танийман. Ҳозир сизга 2 та ёмон янгилик айтмоқчиман.
Бизларни эримиз учинчи хотинга уйланиб олибди.