Дода латифалар

Бир аёл Фейсбукида "Эрим - менинг ватанимдир" деган ёзувни барча билан бўлишибди.
Дўстлари ичида барча аёллардан "Ватан - барчамизники!" деган изоҳ қолдиришибди.

— Ўғлим, мактабда баҳоларинг нечи бўляпти?
— Ойижон, муҳими соғ-саломат юрибман-ку!

Ҳозирча кредитларни тўламай туринг! Банкдан қўнғироқ қилишса, телефон гўшагига қаттиқ йўталинг.

Бошлиқ мажлис ўтказаётса, кимдир аксириб юборибди.
Ҳамма ниқобда, бошлиқ ким аксирганини билолмасдан:
— Ким аксирди? - дебди.
Ҳамма жим!
— Ким аксирди деяпман?!
Яна ҳамма жим!
Бир ходим секин ўрнидан туриб "Тамомман энди" деб "Мен, аксирдим бошлиқ" деса, бошлиқ:
— Соғ бўлинг! - деган экан.

Бир киши сафарга кетаётиб, йўлда Коронавирусни учратиб қолибди.
— Қаерга кетаяпсан? - сўрабди вирус.
— Зиёратга. Сен-чи?
— Сенинг юртингга, беш минг кишини олиб кетишга, — дебди вирус.
Ҳар ким ўз йўлида кетибди. Йил ўтиб, улар яна ўша жойда кўришиб қолишибди.
— Сен алдадинг, - дебди вирусга ҳалиги киши, — Беш минг кишини олиб кетаман деб, юртимдан эллик беш минг одамни олиб кетибсан!
— Йўқ, Мен ростдан ҳам беш минг кишини олиб кетдим. Қолгани ваҳимадан, айримлари озиқ-овқатга бўкиб ўлишди, - дебди вирус.

Офисда икки оғайни суҳбатидан:
— Дўстим биласанми, кеча бекатда шунақанги чиройли қиз ўтирган экан...! Гап отмоқчи бўлиб ёнига борсам менга қараб нима қилди дегин.
— Хўш, нима қилди?
— Ўрнидан туриб "Ўтиринг амаки" деб жой берса бўладими?!

Рус тилини билмайдиган иккита қиз гаплашиб турган экан. Шунда биринчиси:
— Давай, русча гаплашайлик, - дебди.
Гаплашиб туришса, олдиларидан камаз ўтиб кетибди.
Шунда биринчиси:
— Фуу, чанг-тўзон пришла, - дебди.
Иккинчиси:
— Сани сўзингга кулгим пришла, - дебди.
Биринчиси:
— Кстати, я вчера тебе позвандала-позвандала. Почему трубку не брала? - деса, иккинчиси:
— А я голову стирала, - дермиш.

Ҳамма бўш иш ўринларига тажрибали ходимларни ишга таклиф қилишади. Тажрибасизларни эса олишмайди.
Ишламасанг, тажрибани қаердан орттирасан?

Бир куни икки севишган денгиз бўйида ўтиришса, қиз сўрабди:
— Севигилим, нега денгизни суви кўпираверади?
Йигит жавоб берибди:
— Ким билади? Балиқлар кир ювса керак-да...

Беморни ётган палатага кирган врач, унга қараб:
— Сиз ўлим тўшагида ётибсиз... - деса, бемор сакраб ўрнидан туриб:
— Дарров тўшагимни алмаштиринглар, - дермиш.