Дода латифалар

— Адам мени кеча огоҳлантириб, — Агар яна ярим тунгача компьютерда ўтирсанг, клавиатурага бурнингни ишқалаб ташлайман, - деган эдилар.
Яна компьютерда ўтирибман. Агар ҳозир кўриб қолсалар, одйпйшпзл1ш4шлвйқлмцацфуса

Бир сохта табиб одамларни томирини ушлаб, касалини аниқлаб, дори ёзаркан. Бир куни беморни чап қўл томирини ушлаб, дори ёза бошласа, бемор табибга қараб:
— Ўнг қўлимни текширинг, чапи пратез, - дермиш.

— Эшитдингми? Дониёр машина олибди!
— О, зўр-ку! Қанакасидан?
— «Д» ҳарфидан бошланадиганидан.
— «Дамас»ми?
— Йўқ.
— «Доган»ми?
— Йўқ. Даб-даласидан! Беш мартта урилган.

Уйга маст ҳолатда келган эрига хотини бақириб:
— Ичибсан-ку майли-я, лекин нега белингда тирноқ излари туширилган?
Эри бўлса:
— Айтсам ишонмайсан! Ичиб олиб юролмай қолгандим, бургут уйгача ташлаб қўйди...

Кунлардан бирида гугурт чўпи бошини қашийман деб ёниб кетибди.

Домла талабаларга деди:
— Ким ўзини аҳмоқман деса ўрнидан турсин.
Ҳеч ким ўрнидан турмаганидан кейин анча вақт ўтиб Турдиев секин турди.
Шунда домла:
— Ҳа Турдиев, тик турдинг, аҳмоқмисан?
— Йўқ домла. Битта ўзингиз турганингиз учун менга ноқулай бўлди...

Бола кутубхонага кириб сўради:
— Кечирасиз Насаф чемпионлиги ҳақида китоб борми?
Кутубхоначи жавоб қилди:
— Фантастик китоблар 5-қаторда,
Бола сўради:
— А Нефтчи чемпион бўлгани ҳақидаги китоб борми?
Кутубхоначи жавоб қилди:
— Тарихий китоблар 2-қаторда!

Бир киши, бошқа шаҳардаги ошнасиникига 2-3 кунга меҳмонга келибди. Ошни еб бўлишгач, халиги меҳмонни жуда қовун егиси келибди. Мезбон ҳам негадир қовун олиб чиқмабди. Тоқати тоқ бўлган меҳмон уй эгасига дебди:
— Ошна, қовун егандан кейин қаерда ётаман?

Хотин кўчада эри билан уришиб қолибди:
— Сизни кўзингиз “ўйноқи”, қизларга “суягингиз йўқ”, аёлларга хушомад қилишга устасиз, бир паста кўнглини топиб, танишиб оласиз, ... деб турса, ўтиб кетаётган бир аёл тўхтаб:
— Реклама қиляпсизми бу эркакни? Нархи қанча экан? – дермиш.

Янги сотилаётган телефон экранларида ҳам сигарет қутиларидек ёзувлар бўлиши керак:
"Кўзингни нуридан айриласан!", "Бош мия саратонига олиб келади", "Рулда бўлсанг, аварияга учрайсан", "Хотининг билан жанжаллашиб қоласан" ва ҳакозо.