Doda latifalar

Bir koreys O‘zbekistonda yashayapti. Bir kun uning o‘zbek do‘sti bir itni qo‘liga tutqazdi va dedi:
— Tag‘in biror nima qilib qo‘ymagin-a!
Koreys itni olib ketdi va bir haftadan so‘ng do‘sti uning uyiga keldi. Qarasa it yo‘q. It qani deb so‘rasa, qochib ketdi deb aldadi. Aslida esa u itni so‘yib yeb qo‘ygan edi.
Exx dedida yana bir itni tutqazdi va o‘sha gapini uqtirib ketdi. Koreys itni yana yeb qo‘ydi va yana turli bahonalar bilan aldadi.
Uchinchi marotabasida o‘zbek koreysni qo‘liga itni tutqazayotib shunday dedi:
— Yana buni ham yeb qo‘ymagin. Bizda it va kuchuklarni yeyishmaydi. Sen ham o‘zbeksan, o‘zbeksan, o‘zbek, o‘zbek!
Koreys itni olib ketgach, qani buni nima qilarkin deb ortidan kuzatsa, koreys itni oldiga qo‘yvolib:
— Sen it emassan, sen qo‘ysan, sen qo‘ysan, qo‘y, qo‘y - deb turganmish.

Bir kuni jin uch kishini ushlab olibdi. Xitoylik, hind va o‘zbek. Uchchalasiga shart qo‘yibdi. "Xoxlagan narsangiz bilan o‘zingizni himoya qiling. Men mushtum bilan uraman". Birinchi bo‘lib xitoylik o‘rtaga chiqibdi.
Jin: O‘zingni nima bilan himoya qilasan?
Xitoylik: Buyuk Xitoy devori bilan.
Jin bir urishda Xitoy devorini parchalab ikkinchi urishda xitoyni urib o‘ldiribdi.
Navbat hindga kelibdi. Hind yoga usullaridan foydalanib allanima bir holatda o‘tiribdi. Jin uraveribdi, uraveribdi. Hindga xech narsa qilmabdi. Oxiri charchagan jin o‘zbekdan so‘rabdi:
— Sen nima bilan himoyalanasan?
— Hind bilan.

Mashinamga 80 benzinni 5700 so‘mda quygani ketdim. Bahorda qaytaman.

— Nimaga pasportimda buncha ko‘p bo‘sh sahifalari bor?
— Bu seni hayoting zerikarli ekaningni bildiradi.

— O‘rtoq, sen ingliz tilini bilasanmi?
— Ha, a’lo bahoga!
— Apple nima degani?
— Bu, anavi iPhone ni ishlab chiqaruvchisi-de...!

Bir kishi doktorning oldiga kelib:
— Doktor, shu yerimni ushlasam og‘riyapti, - desa, doktor:
— Ushlamang, og‘rimaydi! Sizdan 50 ming so‘m, - debdi.

Ko‘chada bir hovuch shirinlikni paqqos tushirayotgan bolakayni ko‘rgan kishi unga dedi:
— Ko‘p shirinlik yeyaverma! Bu sog‘lig‘ing uchun juda zararli!
Bolakay:
— Meni 90 yoshga kirgan buvam bor... – debdi.
Haligi kishi:
— Buvang shirinliklarni kamroq yegandur-da?! – desa, bolakay:
— Buvam birovlarni ishiga kamroq aralashgan.

Yangi boy o‘ziga Djip mashinasi xarid qilibdi. Mashinani orqa tarafida 4x4 degan yozuvi ham bor ekan.
Mashinani ko‘chada qoldirib uyiga kirib ketsa, bir mast odam kelib, orqadagi 4x4 degan yozuvni yoniga mix bilan qirib =16 deb yozib ketibdi.
Jig‘ibiyroni chiqqan boy ustaxonaga borib mashinasini ta’mirlatibdi.
Ertasi kuni yana shu holat takrorlanibdi. Mast kishi endi har kuni =16 deb yozib ketaveribdi.
Asabiylashgan boy ustaxonaga borib, chiroyli harflar bilan 4x4=16 deb yozdirib kelibdi.
Ertasi kuni tongda chiqib qarasa, mashinasini orqasida mix bilan qirib yozilgan shunday yozuv turganmush "To‘ppa-to‘g‘ri!"

— Mana sizni maoshingiz, - dedi ish beruvchi.
— Maoshimni ko‘tarishni iloji bormi? - debdi ishchi.
Ish beruvchi pulni ushlab turgan qo‘lini tepaga ko‘tarib:
— Shuncha ko‘tarsam bo‘ladimi? - dermish.

Stalinni xonasidan asabiylashib chiqqan polkovnik o‘ziga-o‘zi pichirlab "Mo‘ylovingga o‘t tushsin!" - debdi.
Buni eshitib qolgan kotiba yugurib kirib Stalinga "Mo‘ylovingga o‘t tushsin deb haqorat qildi" deb aytib beribdi.
Stalin g‘azab bilan darhol polkovnikni to‘xtatishlarini buyuribdi.
— Sen kimni haqorat qilding? Mo‘ylovingga o‘t tushsin deganda kimni nazarda tutding? - debdi Stalin.
— Gitlerni nazarda tutgandim, o‘rtoq general - debdi polkovnik.
Stalin kotibasi tarafga o‘girib qarab:
— Sen kimni nazarda tutding? - degan ekan.