Doda latifalar

— Mana sizni maoshingiz, - dedi ish beruvchi.
— Maoshimni ko‘tarishni iloji bormi? - debdi ishchi.
Ish beruvchi pulni ushlab turgan qo‘lini tepaga ko‘tarib:
— Shuncha ko‘tarsam bo‘ladimi? - dermish.

Stalinni xonasidan asabiylashib chiqqan polkovnik o‘ziga-o‘zi pichirlab "Mo‘ylovingga o‘t tushsin!" - debdi.
Buni eshitib qolgan kotiba yugurib kirib Stalinga "Mo‘ylovingga o‘t tushsin deb haqorat qildi" deb aytib beribdi.
Stalin g‘azab bilan darhol polkovnikni to‘xtatishlarini buyuribdi.
— Sen kimni haqorat qilding? Mo‘ylovingga o‘t tushsin deganda kimni nazarda tutding? - debdi Stalin.
— Gitlerni nazarda tutgandim, o‘rtoq general - debdi polkovnik.
Stalin kotibasi tarafga o‘girib qarab:
— Sen kimni nazarda tutding? - degan ekan.

Okeanda suzib kelgan shisha idishni ichidan xat topilibdi. Unda quyidagi so‘zlar yozilgan edi:
"Kimsasiz oroldaman. Bu yerda tirikchilik uchun hamma narsa bor. Bu yerda soliq qo‘mitasi yo‘q, prokuratura yo‘q, sud yo‘q , mahalla oqsoqoli-ku umuman yo‘q. MIB yo‘q, virus ham yo‘q. Endi shu yerni qidiringlar. Tezroq topib kelinglar!"

Yaxshi tarbiyali bir qiz parkda skameykaga o‘tirib, kitob o‘qiyotsa, oldiga daydi kishi kelib:
— Uyalmaysizmi?! - debdi.
— Men tarbiyali qizman. Nima deyapsiz? - desa, daydi kishi:
— Tarbiyali odamlar birovni kravatiga o‘tirib olishmaydi, - debdi.

Pastga tushib ketgan alpinistga tepada qolgan sherigi qichqiryapti:
— Valijon tirikmisan?
— Ha tirikman!
— Qo‘l-oyoqlaring butunmi?
— Ha!
— Unda tepaga chiqaqol!
— Iloji yo‘q! Hali yerga tushmadim...

— Nazokatxon, bugun chiroyli bo‘lib ketibsizmi?!
— Ha. Lekin sizga qarata bu fikrni aytolmiman.
— Unda siz ham menga o‘xshab yolg‘on gapiring.

Qizlar! Agar sizlarga chekmaydigan, ichmaydigan, qizlar bilan yurmaydigan yigit kerak bo‘lsa, Sitro qopqoqlaridan yigit rasmini yig‘ing!

Bir kishini og‘zidan badbo‘y hid kelarkan shunga hech kim unga tegmas ekan.
Mahalla raisiga borib:
— Meni uylantirib qo‘ymasangiz men hokimyatga ustingizdan arz qilaman, - debdi.
Oqsoqol boshqa oqsoqollar bilan gaplashib hidni bilmaydigan bir xotin topib, uylab qo‘yibdi.
Oradan 1 hafta o‘tib boyagi xotin Raisni oldiga kelibdi:
— Men u bilan yashamayman, - degan ekan
— Nimaga? - deb so‘rabdi oqsoqol
— Yonida yotsam ko‘zim achishib ketyapti, - debdi.

Bir kuni afandi aroq do‘koniga kirsa. Ostonada bir mast uxlab yotgan ekan. Shunda Afandi sotuvchiga qarab debdi:
— Bu mastni uyiga olib borib qo‘ymasizmi?
Sotuvchi javob beribdi:
— Axir bu bizning reklamamiz-ku!

— Hozirgi kunda jurnallar yarim yalong‘och ayollar rasmiga to‘lib ketdi. Bizni davrimizda bunaqa emas edi! – debdi keksa jurnalist.
— Sizni paytingizda kiyim-kechaklar arzon edi-da! – debdi unga muharrirlardan biri.