Doda latifalar

Bir kuni ikkita qurt gaplashib tursa, bitta qurt hadeb qimirlayverarmish.
Shunda sherigi:
— Namuncha qurtga o‘xshab qimirlayverasan? – degan ekan.

Er-xotin televizor ko‘rib o‘tirsa, xotini:
— Voy, oyijon! – deb yuboribdi.
Eri bo‘lsa:
— Rostan, o‘xshar ekan! – dermish.

Doktor yoniga kelgan yigit debdi:
— Necha oydan beri muolaja qilasiz. Haligacha betobman.
Doktor:
— Siz mutlaqo sog‘lomsiz. Faqat miyangizga “Men sog‘lomman, men sog‘lomman” degan fikrni singdirishingiz kerak! Shunda hammasi joyida bo‘ladi, – debdi.
Yigit doktor xonasidan chiqib ketayotgan ekan, doktor:
— Muolaja pullarini to‘lamadingiz-ku axir!? – desa, yigit:
— “Men pul oldim, muolaja pulini oldim!” degan fikrni miyangizga singdiring. Shunda hammasi joyida bo‘ladi, - degan ekan.

Yosh bolakay ko‘chada xafa bo‘lib o‘tirsa, bir otaxon uni ko‘rib to‘xtabdi-da so‘rabdi:
— Nega xafasan bolam?
— Uyda oyim bilan adam janjallashishyapti. Adam oyimni “Sen filsan!” desa, oyim adamga “Maymun” deb baqiryapti. Ota-onam fil va maymun bo‘lishsa, men unda kimman? – degan ekan bolakay.

Oʻqituvchi oʻquvchisidan soʻrayapti:
— Qobilov, nega kecha jismoniy tarbiya darsida yoʻq eding?
— Oyogʻim ogʻrigandi...
— Bugun ogʻrimayaptimi?
— Bugun jismoniy tarbiya darsi yoʻq-ku!?

Ishxonada majlis. Boshliq:
— Bugun juma. Bu kichkina shanba degani. Ishlamaymiz. Kechki payt o‘tirish!
Ertaga shanba – o‘tirishni davomini qilamiz!
Yakshanba kuni bosh og‘rig‘iga davom ettiramiz!
Dushanba – ishxonada bosh og‘rig‘iga olamiz va uyga ketamiz!
Seshanba – ichmaymiz. Lekin bunday dam olishlardan keyin ishlash ham noto‘g‘ri bo‘ladi!
Chorshanba – ishga chiqamiz va jon berib ishlaymiz!
Payshanba kuni juma kuniga tayyorlanamiz va ishlamaymiz!
Juma kuni esa avval aytganimdek – kichik shanba! Hammaga tushunarlimi?
Zaldan ovoz eshitildi:
— Kechirasiz—ku, lekin shu chorshanba kunidagi axmoqgarchilik qachon yo‘q bo‘ladi?

Ko‘p qavatli uylarning birida er-xotin yarim kechasi uxlab yotsa, eshik jiringlab qolibdi.
Shunda xotini erini turtib "Turing, erim keldi!" desa, eri yugurib borib balkondan sakrab yuboribdi.

Qiz yigitdan so‘radi:
— Azizim, meni sevasizmi?
Yigit:
— Ha! O‘zing-chi?
— Men ham o‘zimni juda sevaman...

Bir erkak mashinasini hadeb artib, quchoqlab, ma’yus holda mashinani silab qo‘yarmush
Buni qo‘shnisi ko‘rib:
— Ha qo‘shni, mashinani sotimoqchimisiz deyman?! - desa, hali erkak:
— Yo‘g‘-ye, xotinim haydovchilik guvohnomasi oldi, - dermish.

— Yur Dildora, kinoga boramiz.
— Ketdik!
— Yigiting rashq qilmaydimi?
— Yo‘q, uni erim urib, o‘ldirib qo‘ygan.