Doda latifalar

Bir bemor ko‘z doktorini oldiga borib:
— Doktor meni ko‘zim yaxshi ko‘rmayabdi. Hamma narsani 2 ta ko‘ryapman, - debdi.
Shunda doktor shunday qarabdi-da:
— Uchchalovingiz ham shunaqami? - debdi.

Ikki do‘st tog‘ga otlanishibdi. Kech tushibdi. Tunash uchun palatkalarni o‘rnatib uyquga ketishibdi.
Tong otgach, do‘sti ko‘zini ochibdi-yu, shergidan so‘rabdi:
— Xo‘sh do‘stim! Bu tiniq osmon bizga nimalar haqida so‘zlaydi?
Sherigi osmonga qarab turib:
— Tunda bizni palatkamizni o‘g‘irlab ketishgani haqida so‘zlayapti!!!

Tunda ikki mast ko‘chada ketayotib, yonib turgan chiroqqa ko‘zlari tushib qolibdi.
1-mast:
— Bu - quyosh, - desa,
2-mast:
— Yo‘q, bu - oy, - deb tortishib ketishibdi.
Ular tortishayotsa oldilaridan bir odam o‘tib qolibdi.
Shunda haligi mastlar:
— E birodar, bir minut... Anavi quyoshmi yoki oymi? Biz hech kelisha olmayapmiz, - deyishsa, haligi odam:
— Kechirasizlar akalar, men bu mahalladan emasman, - dermish.

Sud zalida ayblanuvchiga savol berishyapti:
— Siz qanday qilib birdaniga 6 ta odamni mashinangizda urib yubordingiz?
Haydovchi:
— Yo‘lda ketayotgan edim. Birdan tormoz ishlamay qoldi. Yo‘lning o‘ng tarafiga qarasam, 2 kishi, chap tarafida 4 kishi ketayotgan ekan. 4 kishidan ko‘ra, 2 kishini urib qo‘yaqolay, - deb, rulni o‘ng tarafga burdim. Birdan haligi 2 kishi chap tarafga qarab yugurib qolsa bo‘ladimi?! Ularni qulab, oxiri hammasini urib yubordim.

— Eshitishimcha siz sirkda sherlarni o‘ynatar ekansiz? Bir narsaga hayronman. Siz kichkinagina, nimjon va buning ustiga ozg‘in bo‘lsangiz.
Nega sherlar sizni yeb qo‘yishmaydi?
— Hamma gap shunda-da! Ular ham meni semirishimni kutishadi!

Xotin eridan so‘rayapti:
— Azizim,Romeo Julettani sevgandek seva olasizmi meni?
— Bilmayman. O‘qimaganman!
— Otello Dezdemonani rashk qilganidek, meni rashk qila olasizmi?
— Bilmayman. O‘qimaganman! - to‘ng‘illab javob beribdi er va debdi:
— Agar ko‘p savol beraversang, bo‘g‘irsoqqa o‘xshab sendan qochib ketaman.

Ayollarni 3 toifaga bo‘lish mumkin:
Aqlli, chiroyli, mehribon.
Ammo ba’zan alohida xillarini ham uchratish mumkin. Masalan:
Aqlli+chiroyli=janjalkash.
Aqlli+mehribon=hunuk.
Mehribon+chiroyli=ahmoq.
Aqlli+mehribon+chiroyli=uni qadrlamaydigan tentak bilan uchrashib yuradigan.

Kambag‘allik lo‘lining joniga tegib, o‘zini osishga qaror qilibdi. Daryo sohilidagi daraxtga arqon bog‘lab bir uchini bo‘yniga solibdi.
Lekin shu zahoti arqon uzilib, lo‘li daryoga qulabdi. Uni zo‘rg‘a qutqarib olib:
— Nega bunday qilding? - deb so‘rashsa, lo‘li:
— Meni tinch qo‘yinglar! Mana shu yaramas arqonning dastidan sal bo‘lmasa cho‘kib ketardim, - dermish.

Do‘konga kirgan qaysar xaridor yangi ish boshlagan sotuvchi qizga debdi:
— Xizmat ko‘rsatishingiz juda-yam yomon! Men so‘ragan buyumlarni hattoki turgan joyini ham bilmaysiz. Mahsulotlar pala-partish taxlangan, umuman tartib yo‘q...!
Qo‘rqib ketgan yosh sotuvchi yig‘lab yuboray deb tursa, boyagi xaridor yana baland ovozda:
— Sizda o‘zi insof bormi? - desa, sotuvchi qiz shoshilib:
— Bor-bor, bo‘lishi kerak! Hozir topib beraman...! - dermish.

Kun bo‘yi chuchvara tugib, erim ishdan kelishiga pishirib, dasturxonga qo‘ysam, erim chuchvaralarni yeb bo‘lib:
— Boshqa bunaqasidan sotib olmagin, xo‘pmi?! - desa bo‘ladimi...