Дода латифалар

Дўстимга смс:
"Салом дўстим! Ёрдаминг керак. Чиқимларим кўпайиб кетди. 300 доллар квартирага, 300 доллар машинани кредитига, 200 доллар аренда пуллари, 100 доллар коммунал тўловларга, 50 доллар боғча пули ва мактаб чиқимларига яна 150 доллар чойхона ва "гап" пулларини беришим керак".
Дўстимдан жавоб:
"Ҳисоблаб бераман. Жами 1100 доллар бўлади. Миннатдорчилик шарт эмас!"

Техника олий ўқув юртига кирган 1-курс талабаси ўқишнинг илк куни биринчи пара дарсда ўтириб маъруза тингламоқда:
“Квант майдон назариясида зета тартибга солиш мураккаб ўзгарувчининг функцияси бўлган Риеманн зета функциясидан фойдаланиш...”
Талаба чўнтагидан қўл телефонини чиқариб, қўнғироқ қилиб паст овозда дебди:
“Ада, фикримдан қайтдим. Армияга борақолай...!”

Барчангизни кириб келган янги йил билан табриклаймиз!

2017 йилда барчангизга саломатлик, омад, хайрли ишларингизда ривож тилаймиз. Қалбингиздан қувонч, оилангиздан шоду-ҳуррамлик асло аримасин. Йил давомида www.latifa.uz билан табассум қилинг!!!

Бизни латифаларни ўқиганлар 100 ёшга кириб юрсин! Ўқимаганлар эса 99 га...!

Кафеда Америкалик, Турк, Туркман ва Ўзбек ўтирган экан.
Америкалик "мен қадаҳимни америка долларининг янада обрўли бўлиши учун кўтараман" дебди.
Турк "мен ушбу қадаҳни туркнинг гўзал раққосалари учун кўтараман" дебди.
Туркман "мен эса дунё бўйича етакчиликни бермай келаётган гиламларимиз учун кўтараман" дебди.
Улар мағрур туриб ўзбекка қарашди. "Сен ниманг учун кўтарасан қадаҳни?" деди улардан бири.
Ўзбек "мен қадаҳимни туркманнинг гиламини устида туркнинг қизларини ўйнатиб, устидан америкаликнинг долларини сочадиган мард ва бой ўзбекларимизнинг кўпайиши учун ичаман" деган экан.

Мактабда юқори синф ўқувчилари орасида "бошлиқ" ўқувчи ҳаммага лақаб қўя бошлабди.
— Махмуд, сени "Найнов" дейман. Қодир, сени "Полвон" деб чақираман. Сарвар, сени "Кимё" дейман.
Сарвар:
— Нимага мен "Кимё" бўларканман!?
— Чунки сени кўрсам, асабим "ўйнайди"!

Самода учаётдан самолёт тўсатдан қулай бошлабди. Бортдагиларнинг ҳаммаси парашютларда сакраб қолибди. Фақатгина битта стюардесса самолёт билан бирга кимсасиз оролга тушибди. Қиз қўрқувдан ҳушидан кетибди-ю, ўзига келгач кўзларини очиб қараса, соч-соқоллари ўсган бир киши оловда гўшт пишириб ўтирганмуш.
— Сиз кимсиз? Бу ерга қандай келиб қолдингиз?, - дебди стюардесса.
— Жиноятчиман. Ўн беш йил олдин жиноятларим учун шу ерга ташлаб кетишган. Жазолашмоқчи эди, мазза қилиб гўштхўрлик қилиб юрибман, - дебди ҳалиги одам.
— Менга ҳам гўштдан беринг.
— Буни эвазига нима берасан?
— Сиз ўн беш йилдан буён соғинган нарсани...
Ҳалиги киши хурсандчиликдан ўрнидан сакраб туриб, қизни қучоқлаб олибди-да:
— Наҳотки, наҳотки бу ерга НОС олиб келган бўлсанг, - дермиш.

Агар битта ўқитувчи ҳамма фандан дарс бера олмаса, нега битта ўқувчи ҳамма фанларни билиши керак?

Бир куни самолётда учаётган одам ҳадеб, — Эй худо, ишқилиб самолёт қулаб тушмасин, - деб нола қилаверибди. Ёнида ўтирган йўловчилардан бирининг жаҳли чиқиб, — нега ҳадеб минғиллайверасиз?! Мен самолётларда кўп учганман, у ишончли, ҳеч нарса қилмайди!, - дебди. Қўрқаётган йўловчи яна гапира бошлабди:
— Дўстим, сиз билмайсиз! Велосипедга ўтирсам, педали синиб кетади. Таксига ўтирсам, тормози ишдан чиқади. Автобусни эса балони тешилиб қолади, - дебди.
Шу пайт салонга стюардесса кириб:
— Ҳурматли йўловчилар! Самолёт тинч океанига қуламоқда. Ҳозир ҳар бирингизга хуштак тарқатаман. Уни чалсангиз, сизга акула ҳужум қилмайди, - дебди.
Бояги йўловчи жон ҳолатда:
— Ана кўрдингизми?! Ҳозир менга берилган хуштак ё ишламай қолади, ёки акуланинг қулоқлари кар бўлади, - дермиш.

— Ичасанми?
— Йўқ.
— Чекасанми?
— Йўқ.
— Қимор ўйнайсанми?
— Йўқ.
— Аёллар билан юрасанми?
— Йўқ.
— Нима бало, биронта ҳам нуқсонинг йўқми?!
— Фақат битта нуқсоним бор.
— Қанақа нуқсон?
— Ёлғончиман.

Баъзида шундай онлар бўладики, ҳаётингда катта ўзгаришлар қилгинг келади. Ва..., янгича шижоат билан профилингдаги расмни ўзгартирасан. Энди сен ўзгарганлигинг ҳақида билиб қўйишсин!