Дода латифалар

Хотин эрига:
— Пулингиз борми?
— Йўқ, қолмади.
— Агар топсам-чи?
— Сендан жуда-ям миннатдор бўлардим!

Оқ айиқ ўрмонда кетаётса, йўлидан "кўча кўрган" эшак чиқиб қолди. Эшакдан сўрабди:
— Ҳой эшак, шимолий қутбга қандай борса бўлади?
— Билмадим. Бироз кутиб тур, оғайниларимдан сўраб келай, дебди эшак.
Бироздан сўнг у бир тўда эшакларни етаклаб келиб, оқ айиққа, — Шимолий қутб қаердалигини билмадим-у, лекин мани эшак деганинг учун энди жавоб берасан, - дебди.

Мени укам пул топишни йўлини катталардан яхшироқ билади.
Мактабда олган ҳар бир "5" баҳосига адам 10 минг сўмдан берадилар.
Ўша 10 минг сўмдан 5 мингини устозига берса, устози яна "5" баҳо қўйиб беради.
Қарабсизки, укамга ўз-ўзидан пул келиб тураверади-да!

Қария ёш йигитга дебди:
— Ақлинг бўлса, чиройли қизга уйланма!
— Нимага? – сўрабди йигит.
— Чиройлиси ташлаб кетади.
— Хунук қизлар ҳам ташлаб кетса-чи?
— Э хунуги даф бўлиб кетмайдими!?

Иккита пиёниста ичиб олиб, кетаётса олдидан кўзгу чиқиб қолибди. Кўзгуда ўзини аксини кўриб бири иккинчисига, “Дўстим шу кетишда ичаверсак, 10 йилдан кейин кўринишимиз шу аҳволда келиб қолади-ёв”, - дермиш.

Баъзида шундай онлар бўладики, ҳаётингда катта ўзгаришлар қилгинг келади. Ва..., янгича шижоат билан профилингдаги расмни ўзгартирасан. Энди сен ўзгарганлигинг ҳақида билиб қўйишсин!

— Икки йилдан бери метрода ишга қатнайман.
Битта ҳомиладор аёл тиланчилик қилиб ўтиради. Ё тавба, икки йилдан бери туғмаяпти-я...

— Севгилим, тарелкадаги торт бўлагини еб кўр!
— Раҳмат қорним тўқ, емайман.
— Асалим, қара жуда ширин торт! Ҳеч бўлмаса бир тишламгина егин.
— Раҳмат, қорним тўқ.
— Озгина татиб кўр.
— Бас қилинг! Ман соат олтидан кейин ҳеч нима емайман!
— Тортни тановул қил аҳмоқ. Уни ичида узук бор! Санга уйланмоқчиман-ку тушунмаяпсанми. Романтикани ҳам белига тепдинг!

Дўстимга смс:
"Салом дўстим! Ёрдаминг керак. Чиқимларим кўпайиб кетди. 300 доллар квартирага, 300 доллар машинани кредитига, 200 доллар аренда пуллари, 100 доллар коммунал тўловларга, 50 доллар боғча пули ва мактаб чиқимларига яна 150 доллар чойхона ва "гап" пулларини беришим керак".
Дўстимдан жавоб:
"Ҳисоблаб бераман. Жами 1100 доллар бўлади. Миннатдорчилик шарт эмас!"