Дода латифалар

Эр хотинига дебди:
— Хотин, ишдан келганимда дўппим пешонамда турган бўлса, демак кайфиятим яхши. Истаган нарсангни сўрашинг мумкин. Агар дўппим бошимни тепасида бўлса, кайфиятим ёмон. Яхшиси менга яқинлашма!
Хотини эрига қараб туриб:
— Дадаси, уйга келганингизда мени қўлларим белимда бўлса, кайфиятим чатоқ. Сизни дўппингиз қаерда эканини фарқи йўқ менга, - деган экан.

— Дадаси, яқинда болалар мактабга чиқишади. Барча зарур нарсаларни рўйхатини тузиб чиқдим. Ўқийми?
— Йўқ, шошма! Олдин валерианкамни олиб чиқ.

Бир қиз интернетда ўтирган экан, қўшни хола кириб:
— Қачон қарасам шу компьютеринг олдида ўтирасан. Нима қизиқ нарсалар бор бу ерда?, - деб сўраб қолибди.
Қиз эса:
— Интернетдаги "Google" ни сизга тушунтираман. Мана қаранг, нимани хоҳласангиз топиб беради, - дебди.
Қўшни аёл ҳам қизиқиб:
— Нима сўрасам ҳамма-ҳаммасини топиб берадими?
— Ҳа, хамма нарсани топади. Хоҳласангиз мана ёзиб, излаб кўринг.
Қиз клавиатурани қўшни холага бериб, ўзи чой дамлаб келиб қараса, экранда шундай ёзувлар турган экан:
"Ассалому алайкум ҳурматли Гугл ака! Илтимос, менга эримнинг жазмани қаерда яшашини топиб берсангиз!"

Мактабда "Жисмоний тарбия" ва "Меҳнат" фанларининг ўқитувчилари ўртасида жанжал бўлиб ўтибди. Оқибатда "Меҳнат" фани ўқитувчиси ғолиб чиқибди. Сабаби, карате ўз йўлига, болта ўз йўлига!

Чиройли бир официант қиз ресторанда хўрандага хизмат кўрсатмоқда. Овқатланиб бўлгач, у ҳисобни келтирибди.
Хўранда пулни тўлагач, қизга гап отибди:
— Сиз учун доим эшитиш ёқимли бўлган уч сўз бор. Тўғрими?
— Ҳа, шундай.
— Хоҳласангиз, мен бу сўзларни топаман.
— Майли, ҳаракат қилиб кўринг.
— Мен сизни севаман.
— Тополмадингиз! Бу сўз - "Қайтими керак эмас» эди.

Бир йигит тўйи куни кечаси гўшангага кирмасдан ҳаёл суриб ўтирса, бир ўртоғи:
— Ие, ҳа куёв бола, нимага ҳаёл суриб қолдинг? Ахир беш йилдан бери севишиб юрган қизингга уйландинг-ку. Нега бу ерда ўтирибсан? - деса,
Куёв бола:
— Шунақаку-я, энди туни билан телефонда ким билан гаплашаман? - дермиш.

Бир эркак ёнига енгилтак аёл келиб:
— Уч сўз айтсангиз, ҳар қандай истагингизни 100 мингга амалга ошираман, - дебди.
Эркак ҳам ўйлаб ўтирмай:
— Уйимни таъмирлаб бер!, - деган экан.

Бир эркак дўстига мақтанибди:
— Kеча хотинимни уришиб бердим.
— Йуғ-е, сен-а?
— Ҳа-да. Уйларни йиғиштиринг, деб иш буюрябди.
— Хўш?
— Йўқол кўзимдан, ҳали кирларни ювиб бўлганим йўқ, - дедим.

Ўғли отасидан сўраяпти:
— Дада, омадсиз ҳазил нима дегани?
— Эрталаб ойинг мендан пайнетга пул олиб, кечқурун яна телефон рақами қарзга кирганлигини айтиши- омадсиз ҳазил дейилади-да ўғлим.
— Ойижон, омадсиз ҳазил нима у???
— Бу дегани, дадажонинг менга тўйдан аввал катта компанияни раҳбариман деб, тўйдан кейин эса ғирт бекорчилиги маълум бўлгани,- дебди онаси.

Бир йигит трамвай остановкасида турган қизга тегажонлик қилиб сўради:
— Оппоққиз, бу ердан нечанчи номерли трамвайлар ўтади?
— Биринчи ва тўртинчи трамвайлар. Йигит яқинроқ келиб:
— Яна қайси номерлар ўтади, жонидан, - деган эди
Қиз:
— Бошқа номерлар ҳам ўтади-ю, аммо сизнинг номерингиз ўтмайди, - деб жавоб берди қиз.