Дода латифалар

Ўқилмаган китоблар қасос оладилар. Масалан, Жиноят Кодекси, бензопила билан фойдаланиш йўриқномаси..

Қиш. Жиннихонадан жиннилар ярим оқшом қочиб чиқишиб, жиннихона омборхонасининг томига олов қўйишибди. Буни кўрган докторлар ўт ўчирувчиларга хабар беришибди. Етиб келган ўт ўчирувчилар биринчи бўлиб томдаги жинниларни қутқармоқчи бўлишибди. Шунда жиннилардан биттаси уларга қараб:
— Ҳа, ярамаслар биз қийналиб ўт ёққанда биронтанг йўқ эдинг. Энди исинмоқчимисизлар? Йўқолинглар исинишга қўймаймиз, - дермиш.

Афанди бир куни ойна топиб олибди. Унда ўзини кўриб:
— Ия, бу сизникими мавлоно, кечирасиз, - дебди.

Оддий аскар Кайфиев бир қадам олдинга. Кеча яна ичибсиз, агарда ичишни ташласангиз сизга сержант унвонини бераман.
Кайфиев жавоб берибди:
— Сержант унвонини нима қиламан, ичсам ўзимни Генералдек ҳис қиламан-ку.

Бир кун эрталаб қизча дадасидан сўрабди
— Дада асалниям оёғи бўладими?
— Йўқ қизим нимага бунақа деяпсан?
— Кеча кечқурун ойимга "асалим оёғизни кўтаринг" дедизку,- дебди.

Афанди чарчаб узоқ йўлдан келар эди. Йўлда отлиқ кетаётган маҳалла элликбошисига кўзи тушиб қолди ва ундан илтимос қилди:
— Тўнимни олиб кетмайсизми?
— Майли,— рози бўлди элликбоши,— қишлоққа боргач уни кимга бериб қўйишим керак?
— Тўнимнинг ўзи отдан тушиб, уйни топиб кетади.
— Масхарабозликни қўйинг, Афанди, ҳеч жаҳонда тўн ҳам уйини топиб кета оладими?
— Ахир, унинг ичида ўзим бўламан-да!— деди Афанди.

Афандининг ити болалаган эди, бир неча кишилар унинг уйига меҳмон бўлиб келиб, сўзлашиб ўтиришар эди. Кучук болалари уйга кириб меҳмонлар билан ўйнашиб, безовта қила бошладилар.
Меҳмонлардан бири ҳазиллашиб:
— Афанди, арзандаларингизга одоб ўргатсангиз бўлмайдими?, — деди.
— Нима қилай, тоғаларини кўриб суюнганларидан суйкалишяпти-да, — дея жавоб берибди Афанди.

Шифокор қабулига келган бемор:
— Жудаям семириб кетяпман. Нима қилсам бўлади?
— Жисмоний машқларни кўпроқ бажаринг!
— Шундоқ ҳам ишга пиёда бориб-келаман.
— Бу камлик қилади. Эрталаб ва кечқурунги тиқилинч вақтда автобусга чиқиб туринг!

Иккита оғайни суҳбатлашмоқда:
— Чекишни ташлаймиз!
— Нимага?
— Бир ойда қанча пул тежаб қолишимизни биласанми?!
— Унда ичишни ҳам ташлайлик.
— Шунча пулни нима қилмоқчисан ўзи?

— Ойлик маошинг яхшими?
— Маошим яхши. Нарх-наво ёмон!