Дода латифалар

Қурилиш майдони. Тепадан пастдаги шеригига ғишт ташлаган ишчи уни чақиряпти:
— Қосим! Қосим!?
— ...
— Ташлаган ғиштимни ушлаб олдингми?
— ...
— Тепадан сенга ғишт ташладим. Ушлаб олдингми?
— ...
— Ушлаб олмаганга ўхшайди...!

Икки дугона суҳбатидан
— Босадигани учта бўлиши керак. Сенда эса кам экан. Ҳайдаб бўлмайди буни.
— Менда автомат.
— Қўрқитмоқчимисан?!

Бир дарвеш, дайди одам кўчада кетаётса, кўприк устида жонига қасд қилмоқчи бўлаётган йигитга кўзи тушибди.
Дарвеш йигитни ёнига келиб:
— Менга қара! Сен барибир ўлмоқчисан. Шу уст-бошингни менга ечиб бера олмайсанми? Мени кийимларим жудаям ифлос ва бадбўй бўлиб кетди, - деса, йигит:
— Йўқол! Сен ифлос ва жирканчсан! Мени кийимларимни олмайсан! - деса, дарвеш хотиржам:
— Майли. Тезроқ сакра! Мен сени пастда кутаман! - дермиш.

— Матрос, ҳаммаси яхшими?
— Ҳа капитан, ҳаммаси аъло! Ваҳимага ўрин йўқ! Фақат биз чўкяпмиз...

Қамоқхона бошлиғи:
— Хўш маҳбуслар! Бугундан бошлаб қамоқхонада уч мартта овқатланиш тартиби жорий қилинди.
Маҳбуслар:
— Қойил!!! Зўр-ку!
Қамоқхона бошлиғи:
— яъни душанба, чоршанба, жума!

Бир куни қуён билан айиқ тиш синдиришдан гаров боғлабди.
Қуён айиқни бир урса, айиқни 4 та тиши тўкилиб тушибди.
Айиқ қуённи урса, 2 дона тиши тушибди. Шунда қуён кулиб "Бошқа йўқ!" дермиш.

— Маърузачи ичкиликнинг зарари тўғрисида ажойиб маъруза қилди, тўғрими? Ҳозир бориб буни ўзига айтаман.
— Сиз у билан танишмисиз?
— Бўлмасамчи!? Ҳар куни бирга ичамизку!

Қадим замонда подшоҳ бирининг саройи олдида халқ йиғилиб, шовқин-сурон кўтарибди.
Подшоҳ айёнлардан сўрабди:
— Ташқарида нима бўляпти?
— Халқингиз сизга миннатдорчилик билдириш учун келибди, - дебди айёнлар.
Подшоҳ:
— Нега улар "Бўлди бас!", "Етар!", "Ортиб кетди" деб бақиришяпти, - деса, айёнлари:
— Ҳамма нарса етарли, ортиғи билан муҳайё, тўкин-сочинлик бўлгани учун айтишяпти бу сўзларни, - деган экан.

АҚШ, Германия, Британия ҳукумати:
— Кўчага чиқманг! Уйда қолинг!
Халқ:
— Қанақасига? Қайси пулга еб-ичамиз?
Ҳукумати:
— Уйда қолинг! Мана сизга пул!
Россия ҳукумати:
— Уйда қолинг!
Россия халқи:
— Нима? Биз уйда ўтирсак, ким бизни боқади?
Ҳукумати:
— Карантин қоидаларини бузганингиз учун мана сизга жарима варақлари, тўлаб қўйинг!

Бўғирсоқ билан қуён дуэлга чиқибди.
Қуён:
— Қулоққа отиш йўқ!
Бўғирсоқ:
— Ундай бўлса, бошга отиш ҳам йўқ!!!