Дода латифалар

Иккита одам кафеда овқатланиб бўлгач, официантга қараб:
— Ҳисоб қанча бўлди? - дебди.
Официант футбол мухлиси экан:
— Ливерпуль-Брайтон 1:0, - дебди.

— Мактаб бозори қилдингизми?
— Ҳа! Кундалик, валерианка ва камар сотиб олдим.

Бир одам янги ишга кирибди. Нуқул ишхонага бир йигит соат 11:00 да келиб, компьютерда ўтириб, бирор иш қилмасдан кетавераркан.
У одамниям жаҳли чиқиб, эртаси куни у ҳам соат 11:00 да келса, унга ҳайфсан беришибди.
— Нимага? Анави йигит ҳар куни 11:00да ишга келади. Унга ҳеч нарса демайсизлар-ку! - деса, бошлиғи:
— У йигит меҳнат таътилида-ку! - деган экан.

Агар эр-хотин урушиб қолса, хотин "Онамникига кетаман" дейди.
Ичкуёв бўлса, эр нима деркин?!

Врач бемор эркакни кўрикдан ўтказиб бўлгач, ташқарига чиқиб теришини сўрабди ва беморни хотини билан гаплашиб олиши кераклигини айтибди.
— Эрингизни аҳволи жиддий! – деб гап бошлабди врач. — Агар узоқ умр кўришини хоҳласангиз, унга фақат яхши гапириш, мазали таомлар тайёрлаб беришингиз, дам олишини таъминлашингиз, энг муҳими асабийлашмаслиги керак! – дебди.
Хотин врачни хонасидан чиқиб, эри билан уйга кетаётса, йўлда эри сўрабди:
— Врач нима деди хотин?
— Сизни узоқ яшамаслигингизни айтди, - дебди хотини.

— Дўстим, қурилишда ишлаб юрганимизда тепадан бошингга ғишт тушиб кетганди эсингдами?
— Ҳа, эсимда! Сен фарзандли бўлганинг эсингдами?
— Албатта, бўлмасам-чи!?
— Ўшанда қасдимни олиб бўлгандим...

— Салом дўстим! Лойиҳа бўйича янгилик борми?
— Салом. Ҳа, 2 та янгилик бор.
— Яхшисидан бошлайвер.
— Ким айтди сенга яхши янгилик бор деб?

— Тоза ҳавода миямиз яхши ишлаши ростми дўстим?
— Билмадим. Бу йил институтга кириб кетсам кейин аниқ айтаман.

— Сени пулдан бошқа дардинг борми?
— Ҳа! Қаердан пул топиш дарди!

Қурилиш майдони. Тепадан пастдаги шеригига ғишт ташлаган ишчи уни чақиряпти:
— Қосим! Қосим!?
— ...
— Ташлаган ғиштимни ушлаб олдингми?
— ...
— Тепадан сенга ғишт ташладим. Ушлаб олдингми?
— ...
— Ушлаб олмаганга ўхшайди...!