Дода латифалар

Вокзалда турган одам поездга кеч қолиб, ортидан югуриб кетаётса, поезддаги одамлар устидан кулибди. Шунда у:
— Мен поездни қувиб юборяпман, - деган экан.

Ўта тарбияли одамнинг қарздор танишига ёзган СМСи:
" Жуда қўпол гаплар билан сўкиб айтяпман, олган қарзингни қайтариб бер!"

Ҳарбий хизматдаги аскарга севган қизидан хат келибди.
Дўстлари билан очиб қарашса, оппоқ қоғоз. Ҳеч нарса ёзилмаган.
— Нега бундай? - дейишса,
Аскар:
— Аразлашиб қолгандик, - дермиш.

Дўконда:
— Салом, бир кило сут беринг.
— Кесиб берайликми ё қоғозга ўрабми?

Бир куни афанди манти егиси келиб, ошхонадан манти харид қилиб, энди емоқчи бўлиб тишлаган экан, иссиқ манти лабларини куйдирибди. Мантини олиб деворга отибди ва сўка бошлабди:
— Лаънати, лабимни куйдирдинг, - дебди. Манти тугилган жойидан очилиб кетибди. Афанди дарғазаб бўлиб:
— Лабимни куйдириб, яна кулади бу! - деса, мантини ёғи оқибди. Афанди:
— Сўксам йиғлайди яна, - дермиш.

— Нега уни қўйиб юбординг?
— У мени ташлаб кетмайди. Вафодорлигини синаб кўрмоқчи эдим.
— Тентак, ким қопағон итни бўйинбоғисиз қўйиб юборади?!

Битта одам қўшнисини ҳовлисига кириб, товуқхонасидан тухум ўғирлабди.
Тухумни ушлаб туриб, ҳаёл сура кетибди:
"Шу тухумдан жўжа очириб, боқиб катта товуқ қиламан. Товуқни сотиб, ғоз оламан, ғозни ҳам боқиб, сотиб, қўй оламан. Қўйни семиртириб, сотиб, бузоқ оламан! Бузоқни катта буқа қилиб, уни ҳам сотиб, машина оламан!", деб ҳаёл суриб турса, қўшниси келиб қолибди.
Ўғрини кўриб:
— Тухумни жойига қўй! - деб бақирган экан, тухум қўлидан тушиб, синиб кетибди. Шунда ҳалиги ўғри одам:
— Машинамни тўлаб берасан! - деб бақира кетган экан.

Қишда яхмалак зиналардан тушаверишда олийжаноб, маданиятли эркакларни деярли топиб бўлмайди.

Бошлиқ ишчига қараб:
— Сиз ишдан бўшадингиз! - деса, ишчи:
— Бўшадингиз??? Ғалати...!? Қулларни сотиб юборишар эди-ку?!

— Жонимга тегиб кетди. Хотиним нуқул кеч қолдинг, кеч қолдинг деб, жанжал қилгани қилган.
— Эртароқ бор!
— Эрталаб соат олтида бориб кўрдим! Барибир кеч келдинг, дейди.