Дода латифалар

Кўзидан шикоят қилган бемор окулист кўригига келибди.
Турли хил ҳарфлар ёзилган Сивцева жадвалини беморга кўрсатиб врач дебди:
— Хўш бемор, охирги қатордаги сўзларни кўряпсизми? Ўқинг-чи!
— Ўқитувчи нашриёти. Адади 5000.

Қайнонанинг хасрати:
Уйга Wi-Fi ўрнатганимиздан буён келиним овқатларни тайёрлашни интернетдан бемалол кўриб оляпти.Фақат энди пиширишга вақти бўлмаяпти. Қўшни аёллар "Wi-Fi ни ўчириб қўйинг" дейишяпти. Тушунолмадим...?!

Ит ҳуради, карвон ўтади. Қандай ажойиб логистика!

Эри ухлаётган пайтда хотин унинг телефонидаги барча ёзишмаларини қараб чиқди ва ўзининг ижтимоий тармоқлардаги шахсий ҳолатини "бева" деб белгилаб қўйди??‍♂️

— Дўстим, мен ишдан бўшадим!
— Нега бўшадинг?
— Ўзимни ишсизликда синаб кўрмоқчиман.

Икки дугона суҳбатлашмоқда:
— Нега никоҳ узугингни бошқа бармоғингга тақиб олдинг?
— Чунки бошқа инсонга турмушга чиққанимни тушуниб олдим.

Қайнона келинига танбеҳ беравераркан:
— Овқат қилишни билмайсиз! Ўғлим бечора бемаза овқатларни еб, умри ўтяпти! Сиздек хотин билан яшаб юрибди болам... Мен сизни ёшингизда...биласизми?!
Келин:
— Биламан ойижон. Ҳудди мени ёшимда сиз адажонни қирқини ўтказган эдингиз.

Қиз яқинда танишган йигити билан кинога тушиб, кино тугагач, сўрабди:
— Уйга нимада кетамиз?
— Нимада кетмоқчисиз?
— Анави сўз нима эди? Малибуми, Молибуми?
— Метро денг, тўғри бўлади!

Эр-хотин машинада кетаётишса, эри магнитофонни овозини баланд қилиб, хотинига "Эшит!", - дебди.
Шерали Жураевни ''Биринчи муҳаббатим'' қўшиғи янграй бошлабди. Эр гоҳ рулга муштлар, гоҳ "уф-ф" деб бош чайқатар экан.
Буни кўрган хотини жанжал бошлабди:
— Ҳа, қариган чоғингизда...?! Биринчи муҳаббатингиз ёдингизга тушиб қолдими!? Уятсиз, беандиша, шарманда...
Эр бўлса яна бош чайқатиб:
— Эҳ хотин, нималар деяпсан!? Чап тарафдаги калонкадан "чарс-чарс" деган товуш чиқяпти. Янгисини олиш керак энди..., - дермиш.