Дода латифалар

— Болтавой, қачон дарсингни қиласан?
— Кино тугагандан кейин.
— Жуда кеч бўлиб кетади-ку?
— Ойижон, ўқишнинг эрта-кечи бўлмайди, дейишади-ку!..

Афандининг 2 ёшли ўғли бор экан, у фақат "ҳа" деган сўзни билар экан.
Афанди бозорга кетибди, уйига ўғри тушиб боладан сўрабди:
— Уйингда бир ўзингмисан?
— Ҳа.
— Уйингда олтин борми?
— Ҳа.
— Ташқаридами?
— Ҳа.
Ўғри қазиб-қазиб, чарчаб, жаҳли чиқиб:
— Эй бола, сен мени алдадингми, — деса.
Бола:
— Ҳа, — дермиш.

Аёл:
— Наҳотки, менга мўйнали пальто олиб беришга оғринсангиз? Кўча совуқ ахир, ўлиб-нетиб қолсам, кўмиш учун пўстинга қараганда бир неча баробар кўп пул кетади-ку?
— Э-э, кўмиш бир марта бўлади, хотин!

Ярим кечаси телефон жиринглади.
— Ҳа, ухлаяпсанми?
— Ҳа
— Ухлаётган бўлсанг, ухла-да, нега телефонни кўтарасан?!

— Ресторандан чиққанимни биламан, бир безори бошимдаги телпагимни юлиб қочса бўладими!, - деб кўнглини ёрибди ўртачароқ бир шоир.
— Табриклайман! Кимгадир ҳеч бўлмаса телпагингиз керак бўпти-ку!

Эр ва хотин истироҳат боғида сайр қилишмоқда. Тўсатдан эр хотинига дебди:
— Азизам, тезда бахтли аёл қиёфасига кир!
— Ие, нега?
— Қаршимиздан келаётган ҳов анави аёл — менинг биринчи хотиним...

Бир дангасадан сўрашибди:
— Кун бўйи ҳеч нарса қилмасдан ётавериб, зерикиб, чарчаб кетмайсанми?
— Қанақасига ҳеч нарса қилмасдан, мен ҳар замонда у ёқдан бу ёққа ағанайман - дебди.

Операциядан чиққан бемор ўзига келиб, ўзига ўзи дебди:
— Худога шукур эсон-омон қутулдим.
Шунда ёнида ётган касал:
— Ҳали қувонишга эрта, мени операция қилишганда қайчини унутиб қолдиришган — дебди.
Иккинчи бемор:
— Менда врачни қўлқопи қолиб кетганди — деб турса
Коридордан врачни овози эшитилибди:
— Ҳамширани ҳеч ким кўрмадими?

Жиннихонадаги врачлар жиннилар эндигача даволангандир, деб ўйлаб ҳамма жинниларни йиғибди.
Битта жинни газетани устига ўтирибди. Врачлар келиб жиннидан:
— Нимага бундай ўтирибсан, - деса.
Жинни:
— Бошқалардан баланд ўтирай деб, - деганмиш

— Доктор, очкўзликка қарши бирор малхамингиз йўқми?
— Бор, хозир мен сизга дори ёзиб бераман.
— Фақат кўпроқ, кўпроқ...