Дода латифалар

Latifa.uz сайтида энг кўп овоз олган латифалар рўйхати.
Афандининг бир ўртоғи касал бўлиб қолди, уни кўргани бориш олдидан хотинидан маслаҳат сўради:
— Касал кўргани борганда нима дейилади?
— Бориб «аҳволингиз қалай?» деб сўрайсиз, у «шукур, яхшиман» дейди, сиз «хайрият» дейсиз, «иштаҳангиз қалай, нима егингиз келади?» деб сўрайсиз, у кўнгли тортган овқатни айтади, сиз «ундан кўпроқ еб туринг, мен ҳам янаги келишимда олиб келаман» дейсиз, қайтар вақтингизда яқин ўртоқларингиз келяпдими» дейсиз, у «ҳа, келяпти» дейди, сиз «хайрият, келиб туришган бўлса яхши, мен ҳам кўриниб қолишса айтиб юбораман» деб келаверасиз, — деди хотини.
Афанди ўртоғиникига борди, у оғир аҳволда ётар эди, Афанди ундан сўради:
— Аҳволингиз қалай?
— Кўриб турибсизку, ўладиган бўлиб қолдим.
— Хайрият, — деган эди, касал ижирғиланди, Афанди сўроқни давом эттирди:
— Иштаҳангиз қалай, нима егингиз келади?
— Ажалнинг уруғини!
— Ушандан кўп-кўп еб туринг, — таскин берди Афанди, — мен ҳам янаги келишимда ундан олиб келаман.
Афандининг бу гапидан асаби бузилган касал тескари қараб олди. Ниҳоят, Афанди яна сўради:
— Мендан бошқа ўртоқларингиз ҳам кўргани келишяптими?
— Ҳа, Азроил келяпти! — деди аччиғланиб касал.
— Хайрият, келгани яхши, мен ҳам кўча-куйда кўриниб қолса, айтиб юбораман,— деб Афанди жўнаб кетди.
#Эр-хотин #Қора-юмор #Афанди #Дўстлар
154

Бир куни ӯрмондан шер келиб шаҳардаги дарахт устига чиқиб олибди.
Буни кӯрган бир одам керакли жойга мурожат қилибди. Тезда бир киши ити билан етиб келибди ва ҳалиги одамга дебди.
Мен дарахтга чиқиб шерни пастга тушираман ва ит бориб уни ғажиб ташлайди деб ҳалиги одам қӯлига милтиқ берибди. Шунда у одам ҳайрон қолиб сурабди. Кечирасиз агар ит шерни ғажиб ташласа милтиқни нима кераги бор деса
Ҳалиги одам: Агар мен тушиб кетсам ит отиб ташлайсиз.

#Ҳайвонот #Калтафаҳмлар #Лоф-ёлғон
280

Таксида она ўғли билан кетаётган экан. Ўғли ҳайдовчидан кўзини узмай қарайверибди. Буни кўрган ҳайдовчи:
— Ҳой болакай, нега менга тикилиб кетяпсан? – деса, болакай:
— Йўлда ёпиқ турган метан заправкаларни кўриб сиз ҳам адам айтган сўзларни айтармикансиз деб қараб кетяпман, - дебди.

#Болалар #Ҳайдовчилар #Эркаклар #Оила
59
Ўқитувчи Валижондан сўрабди:
— Сен ёзма ишингда боғча тарбиячиси бўламан деб ёзибсан. Бу касбга қизиқасанми?
Валижон ўқитувчисига:
— Ёнимда ўтирадиган Моҳигул қизиқар экан-да...!
#Болалар #Бошқалар
44
Қамоқхонадаги икки маҳбус суҳбати:
— Бу ерга нега ўтирибсан?
— Йўталганим учун.
— Қандай қилиб?
— Йўталиб юборган эдим, қоровул уйғониб қолди.
#Эркаклар #Ишхона #Жиноятчилар
42
Баъзида "Йўқ" дейишни ҳам ўрганинг.
Масалан, "Бир бўлак торт ейсизми?" - деб сўрашса, "Йўқ! Икки бўлак ейман", - деб жавоб беринг.
#Қисқа #Овқатланиш #Ҳақиқат-адолат
34
Кеча 100 минг сўмлик пулга "майда" тополмай қолдим. Ҳеч кимда йўқ...
Қарасам йўл четида ЙПҲ ходими турибди. Ёнга бориб:
— 100 минг сўмга майдангиз йўқми? - десам, у:
— Йўқ, ҳали тушмади! Ҳозиргина келиб турибман ўзи! - дейди.
#Пул-бойлик #ДАН-ходимлари #Ҳақиқат-адолат
44
Учта касб эгаларига ҳеч тушунмайман:
— Футболчилар ўзи тепган тўпни ўзи қувлайди.
— Врачлар беморни қаери оғриётганини билиб туриб, "Қаерингиз оғрияпти?" деб сўрайди.
— Ўқитувчилар ўзи билган саволни ўқувчилардан сўрайди.
#Бошқалар #Ҳақиқат-адолат
40
Эр хотинига:
— Наҳотки бу дугонанг билан бор-йўғи ярим соат гаплашдинг?!
Хотини:
— Йўғ-е, дугонаммас! Адашиб тушибди...
#Эр-хотин #Аёллар #Эркаклар #Ўзбекона #Телефон #Ҳақиқат-адолат
40
Бир амалдор фуқаролар билан учрашувда гап бошлабди:
— Биз олдин яхши яшаганмиз, ҳозир ҳам яхши яшаяпмиз, бундан кейин ҳам яхши яшаймиз, - деса, фуқаролар орасидан овоз келибди:
— Биз-чи?
#Қора-юмор #Ўзбекона #Учрашув #Ҳақиқат-адолат
37
Бош саҳифаДодалариҚидиришРукнларҚўшиш