Дода латифалар

Учта касб эгаларига ҳеч тушунмайман:
— Футболчилар ўзи тепган тўпни ўзи қувлайди.
— Врачлар беморни қаери оғриётганини билиб туриб, "Қаерингиз оғрияпти?" деб сўрайди.
— Ўқитувчилар ўзи билган саволни ўқувчилардан сўрайди.

Эр хотинига:
— Наҳотки бу дугонанг билан бор-йўғи ярим соат гаплашдинг?!
Хотини:
— Йўғ-е, дугонаммас! Адашиб тушибди...

Фурсатдан фойдаланиб, севган қизимни ихтирочилар куни билан табриклайман! У ҳам ўзича, ўзидан кимнидир ясаб олган...

Ҳамма раҳбарларни гапи бир хил!
“Ишламасанг бўша! Ўрнингга бошқа одам топаман!”
Лекин меҳнат таътилига чиқиш учун ариза ёзсанг:
“Ишни ким қилади?” “Сиздан бошқаси тушунмайди, қила олмайди...!”

— Имтиҳонлар қалай бўлди ўғлим?
— Яхши ада. Нархлар ошиб кетибди.

Пепси билан Фанта уришиб қолибди.
Фанта жаҳл билан Пепсига "Коладан тарқаган!" дермиш.

Ниқоб тақиб юрган одамни ёнига биттаси келиб дебди:
— Коронавирус узоққа чўзилмайди.
— Нега? - дебди ҳалиги одам.
— Хитойликларни ишлаб чиқарган нарсасини биласан-ку... - деган экан.

Талаба бурга устида тажриба ўтказмоқчи бўлиб, уни стол устига ётқизиб қўйиб, буюрибди:
"Сакра!"
Бурга сакрабди. Талаба уни тағин тутиб, бир оёғини узиб олиб, сўнг столда қўйди-да, - "Сакра", - дебди:
Бурга бу сафар ҳам сакрабди. Талаба уни яна тутиб олиб, қолган оёғини ҳам узиб ташлаб:
"Сакра!" дебди.
Бурга қимирламай тураверибди. Шунда талаба дафтарига ёза бошлади: “Тажрибалар шуни кўрсатдики, бурганинг қулоқлари панжасида бўлар экан. Агар оёқларидан жудо этсангиз, у карга айланади қолади...

Бир куни афанди балиқ овига борибди, лекин хўрак олиш эсдан чиқибди.
Қоғозга “чувалчанг” деб ёзиб, қармоқни сувга ташлабди. Бироздан кейин қармоқни кўтарса, қоғозни орқа томонига “балиқ” деб ёзиб қўйилганмиш.