Дода латифалар

Ўзбекона топишмоқ:
Қайси одам уйидан нима олиб кетаётганини аниқ биладию, нима олиб келаётганини аниқ билмайди?
Жавоб: Бирор бир йиғинга тоғора кўтариб кетаётган ўзбек аёли. Кетаётганида ичида нима борлигини аниқ билади, қайтаётганда тоғораси ичида нима борлигини аниқ айтолмайди.

Талабалар ётоқхонасидаги суҳбатдан:
— Хонадошимни гўштга юборган эдим, чорраҳадан ўтаётиб, машина туртиб кетибди. Касалхонада эмиш.
— Вой ўлмасам! Сен нима қилдинг?
— Нима қилардим? Оч ўтирмайман-ку! Тухум қовуриб едим.

— Дўстим, пулларимни қаерда сақлаганим маъқул?
— Хотирангда сақлаганинг дуруст!

Қарға осмонда учиб кетаётган реактив самолётга қараб турса, ёнидаги боласи ундан сўрабди:
— Ойи, анави қушча қандай қилиб бунчалик тез учиб кетяпти?
— Сенинг ҳам думингга ўт қўйишса, шундай учиб кетасан.

Бир эркакнинг хотини эрини жаҳлини чиқараверибди. Охири эри уни калтаклашни бошлабди.
Шу пайт кўчадан ёши улуғ мўйсафид ўтиб кетаётиб, бу жанжални кўриб қолибди ва дебди:
— Ҳой, нега сен аёлингни бунчалик калтаклаяпсан? Агар хотинни тарбияламоқчи ёки жазоламоқчи бўлсанг, хотин устига хотин ол! Шунда кўрасан!
Эр мўйсафидни гапини эшитиб турса, хотини:
— Бу чолни гапларини умуман эшитманг адаси. Уринг, ураверинг! – деган экан.

Бир чукча ёзда Ўзбекистонга меҳмон бўлиб келибди. Ўзбек чукчага дастурхон ёзиб меҳмон қилибди.
Вақт ўтиб ўзбек хам Чукоткага меҳмонга борса, дастурхонда совуқда муздек сув турган экан ўзбек:
— Ўзи 30 даража совуқ бўлса. Бу нимаси? - деса, чукча:
— Ўзинг 40 градус иссиқда менга қайноқ чой узатгандинг, олинг совумасин деб... Эсингдами? - дермиш.

— Дугонажон қандай қилиб бир ойлик маошни бир кунда сарфлаш мумкин?
— Маошингни олгин, кўрсатаман!

Врач қабулига келган икки қария суҳбатидан:
— Врачларнинг ёзиб берган дорисига сира тушуниб бўлмайди.
— Бу яхши-ку!
— Нимаси яхши?
— Масалан, мен врач ёзиб берган дори қоғози билан бир йил автобусда бепул юрдим. Ярим йил бепул театр томоша қилдим.

Гаи ходими:
— Яхши қиз, ҳайдовчилик гувоҳномангиз борми?
— Ҳа бор.
— Қани бир текшириб кўрайлик...
— Илтимос, олиб қўйманг!
— Нега?
— Чунки гувоҳномадаги расмга жуда чиройли тушгандим-да.

Қизлар яшайдиган талабалар ётоқхонасида идиш-товоқлар овқатдан кейин ювилса, йигитлар яшайдиган ётоқхонада идишлар овқатдан олдин ювилади.