Дода латифалар

Бир одам йўлда кетаётса, осмондан овоз этишилибди:
— Тўхта, тепадан ғишт тушяпти!
Ҳалиги эркак тўхташи билан, олдига катта ғишт келиб тушибди. Йўлда кетишда давом этибди. Кетаётса, яна овоз келибди:
— Тўхта, машина келяпти!
Дарров тўхтабди эркак. Шу пайт олдидан катта тезликда машина ўтиб кетибди.
— Сен ўзи кимсан?, - деб сўрабди бояги одам.
— Мен сени ҳалоскор фариштангман!
— Уйланишимдан олдин қаерда эдинг унда!!!

— Менга неча ёш берасиз, қани, топинг-чи.
— Бир нима дейишга ҳайронман.
— Ўзим ёрдамлашаман. Қизим боғчага боради.
— Қизингиз боғча мудирасими?

Эр ишдан келса 3 ёшлик қизчаси хурсанд бўлиб югуриб ёнига келиб:
— Дадажон салом! Менга нима олиб келдингиз, - деди?
Дадаси:
— Қизалоғим ҳеч нима ололмабман-ку сенга?!
Қизча қовогини солиб:
— Бу ёққа чиқинг. Ойи эрингиз келди, - дермиш!

— Вафодор эр билан бевафо эрни фарқи нимада?
— Фарқи катта. Вафодор эр ҳар сафар хотинига "Сенга хиёнат қилмаганман" деганида виждони қийналаверади...

— Дўстим, нега хотининг қўшиқ хиргойи қилаётганда кўчага чиқиб ўтирасан?
— Қўшнилар эри хотинини дўппослаяпти-ю, хотини дод солиб йиғлаяпти деб ўйламасликлари учун.

Военкоматга келган йигит:
— Денгиз қўшинида хизмат қилмоқчиман. Бу бир умрлик орзуим!
Ҳарбий комиссар:
— Майли, сузишни биласанми?
Йигит:
— Нима, кема йўқми?

— Дўстим, кеча кечқурун ичиб келганмидинг?
— Сен қаердан билдинг?
— Телефонингни чироғини ёқиб олиб, телефонингни қидираётган эдинг.

Матиз автомобилини орқасидан катта тезликда келиб урган Малибу 2 ни ёнига ГАИ ходими келиб қараса, ойналари қорайтирилган Малибу 2 ни ичида шаҳар судьяси ўтирган экан. ГАИ секингина Матизни ёнига бориб "Ҳурматли ҳайдовчи! Сиз Малибу 2 автомобилини катта тезликда қувиб ўтиб, уни олд тарафига урдингиз! Ҳужжатларни тақдим этинг!" - дермиш.

Сартарош соч олиш жараёнида мижозига савол берибди:
— Айтинчи, қайнонангиз борми?
— Йўқ! Қайнонам йўқ!
Бироздан сўнг сартарош яна:
— Қайнонангиз борми?
— Йўқ дедим-ку сизга!
Сал ўтгач:
— Қайнонангиз борми?
— Нега ҳадеб қайнонам ҳақида сўрайверасиз?
— Шундай қилсам сочларингиз тикка бўлиб, кесиш осон бўляпти.