Дода латифалар

Бир куни тиш щёткаси совунга дардини айтиб қолибди:
— Биласанми, одамлар мен билан тишларини ювишади.
Шунда совун хафа бўлиб:
— Шукур қил! - деган экан.

Бир киши тўй қилмоқчи бўлиб, афандига тўйга айтишни буюрибди.
Афанди бойни уйига бориб, тўйга айтса, бой:
— Тўйга айтишга тузукроқ одам топилмадими? - дебди.
Афанди бойга қараб туриб:
— Тузукроқлар тузукроқ одамларникига айтишга кетди-да бой ота, - деган экан.

Агар тушингизда ҳожатхонани кўрсангиз, ундан фойдаланманг!

Бугун ишхонамиздан карантин эълон қилиб уйга жавоб бериб юборишди.
Карантин вақтида ҳам ойлик маошимиз тўлиқ берилишини, тиббий ниқоблар дорихоналарда 500 сўм эканини, озиқ-овқатларнинг нархи ошмаслигини эълон қилишди.
Кейин шу жойда мен уйғониб кетдим...

Эр шимини ҳафсала билан дазмоллаётган хотинини кўриб сўрабди:
— Тинчликми онаси?! Бугун чиройли кийиниб кўчага чиқсам, менга қизлар қарар экан-да...! – деса хотини:
— Дазмолланган, яхши кийинган эркак оилали бўлишини ҳамма қизлар билишади, - дебди.

Матбуот анжуманида Криштяно Роналду мақтанаётган эмиш:
— Мен энг зўриман. Мен энг кучли футболчиман. Мен истеьдодман, - деяётса, бир журналист ўрнидан туриб:
— Қийналмай мен – Мессиман деб қўяқолинг, - дермиш.

Мактабдан кўзи кўкариб қайтган боладан онаси сўрабди:
— Буни ким қилди?
Бола:
— Кимлигини билмадим-у, лекин мана уни сочидан намуна, - деб қўлида бир тутам соч кўрсатибди.

Телефон қўнғироқларга жавоб бермаган ўғилга отаси хабар ёзмоқда:
“Ўғлим, битирув имтиҳонларинг қалай ўтди? Жавобингни кутаман!”
Ўғли жавоб ёзяпти:
“Имтиҳон зўр ўтди! Устозимга ёқди. Кузда яна такрорлашимни сўради!”

Эркак киши уч ҳолатда ичади:
1. Сиқилганидан.
2. Хурсандчиликдан.
3. Ҳаммаси жойида бўлганда эса - зерикканидан...