Дода латифалар

Кўчада кучли шамол кўтарилиб, ёмғир ёға бошлабди. Шу пайт уй эшигини кимдир тақиллатибди. Эр бориб, эшикни очса, остонада шалаббо бўлиб кетган қайнонаси турган эмиш. Куёв ҳаяжонлиб:
— Ойижон, шу ёмғирда нега кўчада юрибсиз? Тез уйингизга боринг! – дебди-да эшикни ёпиб қўйибди.

Бир куни иккита жинни ҳовуз бўйида ўтирган экан.
Биринчи аҳмоқ қошиқда шакар олиб, ҳовузга солибди-да, сувдан олиб ичиб кўриб:
— Эй, шираси чиқмабди, - деса, иккинчи жинни:
— Аралаштирмадинг-ку! – деган экан.

— Охирги мартта сўраяпман, қани мени пулларим???
— Худога шукр, бошқа бу саволни эшитмас эканман!

Кўзи ожиз чол денгиздан тилла балиқ тутиб олибди.
Шу заҳоти балиқ тилга кириб дебди:
— Тила тилагинг! Истаган 1 та тилагингни бажараман...
Шунда чол ўйланиб туриб:ф
— Мени чевараларим ҳовлимда олмос тошларни ўйнаб ўтирганини уйимнинг 7-қаватида туриб томоша қилишни истайман.

Бир куни икки десант самолётдан сакрамоқчи бўлиб тайёрланиб туришса, бири иккинчисига дебди:
— Олма еб олмаймизми бир!?
— Майли, - дебди дўсти.
Иккала десант олма еб бўлгач, боягиси яна сўрабди:
— Хоҳласанг, яна биттадан олма еймиз...
— Майли, бер! - дебди шериги.
Олмани еб ўтириб, ҳайрон бўлиб сўрабди:
— Ўзи бу олмаларни қаердан оляпсан?
— Сени елкангдаги рюкзак шунақа олмага тўла экан, - дермиш шериги...

5 ёшли болача дадасига дебди:
— Дада пул нима?
Дадаси:
— Пул бу коньяк,чиройли аёллар, машина, хуллас ўғлим маишат, - дебди.
Шунда ўғли:
— Дада агар пулингиз бўлмаса-чи? - деса, дадаси ўғлига:
— Эҳ ўғлим... Агар пулинг бўлмаса оддий кўк чой, автобус ва онанг-да, - дермиш.

Қизларни жаҳлини қандай чиқаришни биласизми?
1. Уларни суратга олинг.
2. Суратни кўрсатманг.
Тайёр!

Криштиано Рональдо Пахтакор футбол клуби билан 5 йиллик шартнома имзолабди. Журналистлар интервю ундан оляпди:
— Сиз Пахтакорга қандай келиб қолдингиз?
— Тасодифан. Тошкентга борганимда мухлисларга дастхат бергандим. Шуларни ичида битта мухлис 5 йиллик шартномани узатса, билмасдан қўл қўйиб берибман.
— Сир бўлмаса, қанча маош ваъда қилишди?
— Маошим ҳафтасига 100 минг сўм. У ҳам бўлса 100 фоиз пластик карточкага тушармиш...!

Қорбобога хат:
"Қорбобо, мен сиздан янги йилга оппоқ Мерседес сўраган эдим. Орзуларим амалга ошмади-ку?! Ҳурмат билан Шаҳзода.
Қорбободан жавоб:
"Ҳурматли Шаҳзода! Сиз менга раҳмат айтинг! Чунки ҳамқишлоғингиз Рустамни орзуларини амалга оширмаганим учун...

Мактабда дарс бошланиб, ўқитувчи ўқувчиларга дебди:
— Ҳозир оралиқ имтиҳон топширасизлар!
Бир ўқувчи:
— Калькулятордан фойдалансак бўладими?
Ўқитувчи:
— Ҳа бўлади.
Яна бир ўқувчи:
— Менделеев жадвалидан-чи?
Ўқитувчиси:
— Албатта мумкин! Демак, ёзиб олинг, имтиҳон мавзуси: "Иккинчи жаҳон уруши".