Doda latifalar

Fermada yashaydigan tovuq 5 kilogram keladigan tuxum qo‘yibdi.
Jurnalistlar tovuqdan so‘rashibdi:
— Bunga qanday erishdingiz?
Tovuq:
— Bu sir! - debdi.
Jurnalistlar yana so‘rabdi:
— Kelajakdagi rejangiz qanday?
— 7 kilogramlik tuxum qo‘yish, - debdi tovuq.
Jurnalistlar xo‘rozni yoniga kelishibdi:
— Sizni rejalaringiz qanday?
Xo‘roz debdi:
— Fermadan tuyaqushni tezroq yo‘qotmoqchiman!

— Pulni qaysi hayvonga o‘xshatasan?
— Kelishini toshbaqaga o‘xshataman. Ketishini quyonga o‘xshataman.

Dugonalar suhbatidan:
— Bilasanmi o‘rtoqjon, yigitim meni tashlab ketgandi. Keyin uni yomon duo qildim!
— Nima deb duo qilding?
— Dunyodagi eng tasqara, beo‘xshov, alvastini yoniga borgin deb duo qildim.
— Xo‘sh, nima bo‘ldi keyin?
— Ertasi kuni yigitim o‘zi yonimga qaytib keldi...

Bir erkakni xotinini o‘g‘irlab ketgan noma’lum odamlar unga xat yuborishibdi:
"Zudlik bilan aytilgan pullarni olib kelmasang, xotiningni o‘zingga qaytarib beramiz!"

— Nimaga ayollar bunchalik rashkchi bo‘lishadi?
— Chunki boshqa ayollar nimaga qodir ekanini ular yaxshi bilishadi!

Tarix fanida o‘qituvchi savol beribdi:
— Fransiya - Prussiya urushi haqida nimalarni bilasan?
O‘quvchi jim turaveribdi.
O‘qituvchi:
— Nega gapirmaysan?
O‘quvchi:
— Dadam urush-janjalga aralashma deganlar, - debdi.

Ustozi o‘quvchilaridan so‘rabdi:
— Kim maktabdan keyin institutga kirishni xohlaydi?
Hamma bolalar qo‘lini ko‘taribdi. Faqat bitta o‘quvchi ko‘tarmas emish.
Ustozi undan:
— Nega sen ko‘tarmayapsan? – deb so‘rasa, o‘quvchi:
— Oyim maktabdan keyin to‘g‘ri uyga kelgin deb tayinlaganlar, - degan ekan.

Ona uyga kelsa, o‘g‘lining kundaligi burchakda tik turgan ekan. Hayron bo‘lib so‘rabdi:
— O‘g‘lim, nega kundaliging u yerda turibdi?
O‘g‘li:
— Bugun u “2” baho oldi. Shunga jazolayapman, - dermish.