Doda latifalar

— Tilla baliqdan onasi o‘pmagan, adasi so‘kmagan, bemahalda ko‘chada yurmagan, internetni bilmagan, telegrammga kirmagan, skaypda ko‘rishmagan qizni so‘ragandim.
— Xo‘sh nima bo‘ldi?
— O‘zini o‘lganga solib oldi.

Qarg‘a tumshug‘ida pishloq tishlab, daraxtda o‘tirgan ekan. Bir payt daraxt tagiga ayyor tulki kelibdi-da, qo‘lidagi gazetani varoqlab o‘qiy boshlabdi:
— O‘rmonimizdagi hayot kundan-kunga yaxshilanmoqda. Tez orada har bir daraxt shohlarida pishloqlar pishib turadi...
Qarg‘a esa buni eshitib, tulkining ustidan — "xa-xa-xa", - deb kulgan ekan, og‘zidagi pishloq to‘ppa-to‘g‘ri tulkining qo‘liga kelib tushibdi.
Shunda tulki pishloqni og‘ziga solib, daraxt tepasidagi qarg‘aga:
— Gazetadagi xabarlar ustidan kulish yaxshi emas, - degan ekan.

Yangi yilda yigitining oldiga ketayotgan qiz "qorqiz bo‘lib boraman", deb magazinga kiribdi.
— Qorqizning kiyimi qancha turadi?
— 500 000 ming.
— Qimmat ekan. "Zolushkaning" kiyimi qancha turadi?
— 800 000 ming.
— Qimmat ekan, anuv yalmog‘iz kampir kiyimi qancha turadi?
— U kiyim emas, oyna.

Sud zalida:
— Gumonlanuvchi, nima uchun siz cho‘kayotgan xotiningizni qutqarishga harakat qilmadingiz?
Erkak javob beryapti:
— Men uni cho‘kayotganini bilmadim. U har doimgidek baqirayotgandi...!

Tug‘ruqxonada:
Vrach:
— Kimni chaqalog‘i yarim soatdan beri yig‘lab yotibdi?
Hamshira:
— Chaqaloq emas, ertalab tug‘ilgan uchta egizakni otasi yig‘lab o‘tiribdi.

Bezori yigit ko‘chada tursa, yoniga bir duduq odam kelib:
— K-k-kechirasiz, du-duduqlar mak-maktabi qa-qayerda? - desa, bezori:
— Boshingga urasanmi duduqlar maktabini!? Shundoq ham tayyor ekansan-ku! - debdi.

Issiq havoda do‘konga kirib kelgan bolaga sotuvchi debdi:
— Nima olasan?
Bola javob beribdi:
— Dam olaman.

— Qizim, idish-tovoqlarni yuvib qo‘ygin!
— Charchadim oyijon...
— Wi-Fi ga pul to‘lashdan men ham charchadim...
— Qaysi idishlarni yuvishim kerak?

Bir kishi kechasi uxlab yotsa, eshik taqqillab qolibdi.
— Kim u? – debdi hovliga mo‘ralab.
— Sizlarga o‘tin kerakmi? – debdi notanish odam.
— Yo‘q, kerakmas! – deb uxlashga kirib ketibdi.
Ertalab tursa, hovlida yig‘ib qo‘ygan o‘tinlari yo‘q emish.

Yigit sevgan qizi bilan tunda soat 24:00 da sayrga chiqibdi.
Qiz ichida o‘ylabdi:
— Qanday romantik yigitim bora…!
Yigit kulib:
— Ha, men romantikman! Romantiklar o‘zi shunaqa. Soat 24:00 da magazin, restoran, do‘konlar yopiq vaqtda sevgan qizini sayrga olib chiqadi.