Дода латифалар

Бир одам автомобилини катта тезликда ҳайдаб кетаётса, ГАИ ходими тўхтатиб сўрабди:
— Нега бунчалик газни босиб келяпсиз? - деса ҳайдовчи:
— Йўлларимиз равон, юртимиз тинч бўлса... Сиздек посбонларимиз хизматда бўлса... Нимадан қўрқамиз!? Босамизда газни, - деса ГАИ ходими ғурурланиб:
— Оқ йўл! - деган экан.

Менда бор одатлар сизда ҳам борми?
— Йогуртни очганда, биринчи бўлиб қопқоғини ялаб қўясизми?
— Телефонингизга келган смс ни ўқиб, баъзида овоз чиқариб жавоб берасизми?
— Ёқимли смс ларни қайта-қайта ўқиб кўрасизми?
— Эшик ёпиқ турганини кўрсангиз ҳам барибир тортиб кўрасизми?
— Ердаги брусчаткани устидан юриб кетаётиб, фақат бир хил шаклларини босишга ҳаракат қиласизми?
— Кечаси ётоқхонангиз чироғини ўчиргач, краватгача телефонингизни чироғини ёқиб етиб оласизми?

Бир аёлни уйига дугонаси меҳмонга келибди.
Ҳалига аёл кичкина ўғлига:
— Болам, холажонингни ўпиб қўймайсанми? – деса, болакай:
— Йўқ, - дебди.
— Нега ўғлим? – деб сўрабди онаси.
Болакай:
— Ҳозир адам ўпиб қўйган эдилар, холадан шапалоқ еб олдилар, - дермиш.

Ёшим 25 да бўлса ҳам, ҳафта кунларини эсласам, мактабдаги кундалигим кўз ўнгимга келади.
Сизларда-чи?

Однода бир қиз “Ҳаётни жиддийга олманг, ҳаммасини ўз ҳолига ташлаб қўйинг” деб ёзибди. Бу гапдан илҳомланиб, бутун оиламиз билан коммунал тўлов қоғозларини устида писта чақиб ўтирибмиз.

— Такси билан от-араванинг нима фарқи бор?
— Ҳеч қандай фарқи йўқ!
— Нега?
— Чунки иккаласи ҳам йўлни хоҳлаган жойида тўхтаб одам олиб-тушираверади.

Йигит қизга дебди:
— Қалайсан?
Қиз:
— Яхши, дуоларингиз билан юрибман...
Йигит:
— Мени дуоларим билан бу пайтгача юрмаслигинг керак эди, - дермиш.

Икки дўст аразлашиб қолиб, қозини олдига боришибди.
Қози “Эртага келинглар. Муаммони эртага ечамиз” деб қайтариб юборибди. Қозихонадан чиққан йигитлардан бирининг фикри бузилиб, қозини олдига қайтиб бориб 40 тилла танга пора берибди. Қози ишни унинг фойдасига ҳал қилиб беришга ваъда берибди. Йўлда кетаётган иккинчи дўст ҳам қозига бориб 100 тилла бериб, у ҳам ишни ўз фойдасига ҳал қилиб беришни сўрабди. Қози уни ҳам пулини олиб қолибди.
Эртасига айтилган вақтга дўстлар қозининг ҳузурига боришибди ва ўз муаммоларини ҳал қилиб беришни сўрашибди. Қози уларни эшитибди-ю, бир сўз демай жим ўтираверибди. Бироз вақт ўтгандан кейин биринчи дўстни сабри чидамай қозига берган 40 тилла тангани эслатиб қўйиш мақсадида дебди:
— Қози бува, гапни дангал, қирқиб-қирқиб гапирмайсизми деса, қози:
— Ҳа, қирқиб-қирқиб гапирай десам, дўстингни юзидан ўтолмай турибман-да, - дермиш.

Норасмий статистик маълумотларга қараганда, ёшларнинг баджаҳл ва асабий бўлиб қолаётганига асосий сабаб бу – “қотиб ишлаётган” интернет экан.

Эр уйига келса, ифторлик дастурхони тузалган. Ўртада шам ёниб турибди.
Эр:
— Ҳа онажониси, бу романтика нимани белгиси? - деса, хотин:
— Бу романтик ужин светдан қарзимизни белгиси, - деган экан.