Дода латифалар

Кинотеатрда йигит билан қиз ўтиришибди.
Йигит:
— Сизга яхши кўриняптими кино?
— Ҳа.
— Ўтириш қулайми? Олдиздаги одам халақит бермаяптими?
— Йўқ.
— Оёғизга пастдан шабада урмаяптими?
— Мунча меҳрибонсиз-а... Йўқ ҳаммаси жуда яхши. Ҳавотир олманг! - деса
— Келинг унда алмашиб олайлик, - дермиш...

Туалетда газета ўқишга одатланган одам, кутубхонага кириб китоб ўқиётганда, иштони оғирлашиб қолибди.

Агар чап тарафингиз билан турсангиз, билингки бугун сизнинг кунингиз эмас. Эртага яхши бўлади.
Агар ўнг тарафингиз билан турсангиз, бугун ошиғиз олчи, кун сизники.
Агар умуман оёққа туролмаётган бўлсангиз, кеча яхши бўлган экан!

Эр хотин суҳбатидан:
— Қора шимим қани?
— Кеча ювгандим, кичрайиб қолибди, укамга бериб юбордим!
— Кўк кўйлагим қаерда?
— Уни ҳам ювган эдим, кичрайиб қолибди, укамга бериб юбордим!
— Ундан кўра мени ювиб кичрайтириб, синглинга берворсанг бўлмайдими?!

Бир корейс Ўзбекистонда яшаяпти. Бир кун унинг ўзбек дўсти бир итни қўлига тутқазди ва деди:
— Тағин бирор нима қилиб қўймагин-а!
Корейс итни олиб кетди ва бир ҳафтадан сўнг дўсти унинг уйига келди. Қараса ит йўқ. Ит қани деб сўраса, қочиб кетди деб алдади. Аслида эса у итни сўйиб еб қўйган эди.
Эхх дедида яна бир итни тутқазди ва ўша гапини уқтириб кетди. Корейс итни яна еб қўйди ва яна турли баҳоналар билан алдади.
Учинчи маротабасида ўзбек корейсни қўлига итни тутқазаётиб шундай деди:
— Яна буни ҳам еб қўймагин. Бизда ит ва кучукларни ейишмайди. Сен ҳам ўзбексан, ўзбексан, ўзбек, ўзбек!
Корейс итни олиб кетгач, қани буни нима қиларкин деб ортидан кузатса, корейс итни олдига қўйволиб:
— Сен ит эмассан, сен қўйсан, сен қўйсан, қўй, қўй - деб турганмиш.

Бир куни жин уч кишини ушлаб олибди. Хитойлик, ҳинд ва ўзбек. Уччаласига шарт қўйибди. "Хохлаган нарсангиз билан ўзингизни ҳимоя қилинг. Мен муштум билан ураман". Биринчи бўлиб хитойлик ўртага чиқибди.
Жин: Ўзингни нима билан ҳимоя қиласан?
Хитойлик: Буюк Хитой девори билан.
Жин бир уришда Хитой деворини парчалаб иккинчи уришда хитойни уриб ўлдирибди.
Навбат ҳиндга келибди. Ҳинд йога усулларидан фойдаланиб алланима бир ҳолатда ўтирибди. Жин ураверибди, ураверибди. Ҳиндга хеч нарса қилмабди. Охири чарчаган жин ўзбекдан сўрабди:
— Сен нима билан ҳимояланасан?
— Ҳинд билан.

Машинамга 80 бензинни 5700 сўмда қуйгани кетдим. Баҳорда қайтаман.

— Ўртоқ, сен инглиз тилини биласанми?
— Ҳа, аъло баҳога!
— Apple нима дегани?
— Бу, анави iPhone ни ишлаб чиқарувчиси-де...!

Ҳозиргина ойлик маошини олган ишчи касса ёнига қайтиб келиб дебди:
— Сиз менга 20 минг кам бердингиз.
Кассир:
— Чунки ўтган ойда адашиб сизга 20 минг кўп бериб юборган эканман. Нега ўшанда қайтармадингиз? Бу сафар кам олганда айтяпсиз?! - деса, ишчи:
— Бир адашдингиз индамадим, икки адашдингиз айтаман-да!!!

Бир киши докторнинг олдига келиб:
— Доктор, шу еримни ушласам оғрияпти, - деса, доктор:
— Ушламанг, оғримайди! Сиздан 50 минг сўм, - дебди.