Дода латифалар

Пул тўла ҳамёним ва IPhone 10 телефонимни йўқотиб қўйдим.
Топиб берган одамга 1 млн. суюнчи бераман.
Фалон рақамга қўнғироқ қилинг ... - деган эълон тагига кимдир ручка билан ёзиб кетибди:
"Мен 2 млн. бераман! Фалон рақамга гудок ташасангиз бўлди, ўзим қайтиб қиламан...!"

Мени 4 та ўғлим бор. Бири банкир, иккинчиси ўқитувчи, учинчиси инженер, тўртинчиси таксичи.
Лекин ҳозир биттаси пул топяпти холос. Ўзимни ақлли таксичи ўғлим...!

Иккита овсин суҳбати:
— Олдингизда 2 та қоп турибди дейлик. Бир қоп тилла билан бир қоп ақл.
Сиз қайси бирини танлаган бўлардингиз?
— Ақлни танлаган бўлардим, - дебди овсин ўзини кўрсатмоқчи бўлиб.
— Ҳамма ўзига етмаганини оладида, - дебди овсини.

Учта оғайни гаплашиб турганмиш:
— Мен 3 километргача маска тақмай юра оляпман.
— Мен 5 километргача бемалол маскасиз юра оляпман.
Учинчи йигит йиғлаб:
— Мен 1 қадам ҳам маскасиз кўчага чиқа олмаяпман. Чунки учасковой қўшним бўлади.

Бир йигит офисдаги ҳамкасбларига:
— Мен эртага ишга келмайман.
Ҳамкасблари:
— Нега?
Йигит:
— Ҳозирча билмайман. Албатта бирор баҳона топаман.

— Ботир, сен бугунни ўзида иккита қопни йўқотдинг!
— Ахир мен ишлаяпман-ку! Иш бор жойда камчиликлар бўлади-да!
— Ботир! Сен инкасаторсан!!!

Ўқитувчи ўқувчисининг отаси билан суҳбатлашяпти:
— Ўғлингиз бемаъни, аҳлоқсиз сўзларни кимдан ўрганяпти?
Ота:
— Падарингга лаънат! Билмайман бу аблаҳ кимдан эшитаркин бунақа сўзларни?

Ақл - пулга ўхшайди.
Пулинг кўпайгани сари ҳамма сени ақлли санай бошлайди.

— Кечирасиз! Мени эгизак укамни кўрмадингизми?
— Сиз ҳозиргина менга шу саволни бермаганмидингиз?