Дода латифалар

Бир одамни ёнига гадой келиб пул сўрабди:
— Акажон пул беринг. Автобусга ҳам пулим йўқ...
Ҳалиги одам гадойга пул берса, гадой пулни олиб тўғри барга кириб кетибди.
Ортидан кириб:
— Автобусга пулим йўқ дединг. Пул бердим. Нега ароқ ичгани ўтириб олдинг? - деса, гадой:
— Шу ароқни ичсам автобусда ҳам текинга кетаман-да ака. Сизни алдаганим йўқ, - дебди.

Тергов хонасида айбланувчига савол беришмоқда:
— Нима учун суварак дориси билан қўшниларингизни ҳам заҳарладингиз? Қўшнилар сизга нима ёмонлик қилган?
Айбланувчи:
— Ҳеч нима қилишмаган. Дори қутисини устига "Суваракларни қўшнилар билан бирга заҳарлаганингиз маъқул" деб ёзилган экан.

Эрталаб тренировкага, тушдан кейин мактабга борадиган ўғлимнинг эртага эрталабки машғулотлари қолдирилгани эшитиб, ўзимча унга буюриб қўядиган ишларимни режалаштирдим.
— Хўш, эртага нималарни режалаштирдинг?, -сўрадим ундан.
— Нимани бўларди, эрталаб ўрнимдан турмай кўпроқ ухлашни, - жавоб берди у.

— Исминг нима?
— Раҳмат.
— Мен сени исмингни сўрадим. Нега раҳмат дейсан?
— Мени исмим - Раҳмат.

Бугун корзинкада аравачага бир талай озиқ-овқатларни тўлдириб олган иккита йигитга кўзим тушди.
Бири иккинчисига:
— Шунча гречка, ун ва шакарларни нима қиламиз? - деса, иккинчиси:
— Менимча ғирт аҳмоқгарчилик билан шуғулланяпмиз! - дебди.
Кейин яна биринчиси:
— Кўп гапирмасдан ёғдан ол! Қара ҳамма олиб кетяпти. Ҳозир қолмайди...! - дермиш.

Буюртмачи тайёр бинони қабул қилиб олаётиб 50 метр ерга қазиб қурилган қудуқни кўриб қолибди. Қудуқни атрофини ғишт билан ўраб, охирига катта чироқ ҳам ўрнатилган эмиш.
— Бу нима? – деб сўрабди прорабдан.
— Мана сиз берган лойиҳа чизмаси бўйича қурдик, - деб чизмани узатибди прораб.
Буюртмачи чизма туширилган қоғозни 180 градуска айлантириб:
— Ахир бу 50 метрли минора эди-ку! – деган экан.

— Навбатдаги саволга ким жавоб беради? Энг яхши вазирлик номини айтинг.
— Инновациялар вазирлиги.
— Нима учун?
— Сарфланаётган пуллар нимага ишлатилаётганини ҳеч ким билмайди.

Иккита овчи овга чиқиб кечгача ўлжа топа олишмабди. Овчилардан бири очликдан ҳушидан кетиб қолибди.
Шериги тез ёрдамга қўнғироқ қилиб:
— Дўстим ҳушидан кетди, тез етиб келинглар! – деса, тез ёрдамдагилар:
— Ўзи тирикми? – дейишибди.
— Билмайман, - дебди овчи.
— Биз аниғини билишимиз керак, - дейишса, гўшакни нариги томонидан битта ўқ овози эшитилибди.
— Тирик экан, инграяпти, - дермиш овчи.

Ходим ва раҳбар:
— Сиз ўз вазифаларингизни жуда яхши бажараяпсиз. Оширишнинг вақти келди менимча...
— Нимани? Маошимними?
— Йўқ, иш ҳажмини!