Дода латифалар

Зоология дарсида:
— Алиев, иккита йиртқич ҳайвонни санаб бер-чи!
— Шер ва ...
— Билмайсанми? Ўтир “2”!
— Қодиров, учта йиртқич ҳайвонни санаб бер!
— Шер, йўлбарс, ...
— Билмайсанми? Ўтир “2”!
— Одилов, сен бешта йиртқич ҳайвонни санаб бер!
— 2 та шер ва 3 та йўлбарс.

Амалдор чекка қишлоққа сайёр қабулга бориб, халқ билан учрашибди.
— Қандай эҳтиёж, муаммоларингиз бўлса, бизлар ҳал қилиб берамиз, - дебди.
— Бизда иккита катта муаммо бор, - дебди бир оқсоқол. — Аввало, бизда шифохона бору, шифокор йўқ.
Амалдор шартта мобил телефонидан кимнингдир рақамини терибди-да, бир четга ўтиб 1-2 дақиқа гаплашибди.
— Бу масалани гаплашиб ҳал қилдим. Шифокор эртагаёқ шу ерда бўлади. Энди иккинчи эҳтиёжингизни айтинг-чи?
— Қишлоғимизда мобил алоқа мутлақо ишламайди, - дебди оқсоқол.

70 га кирган аммамга телефон қилдим:
— Ташқарига чиқманг-а амма!
— Йўқ, чиқмаяпман.
— Нима қиляпсиз?
— Ўтирибмиз, қўшнилар ўзлари киришди. Зумрад холанг, Ҳолида холанг бор яна 3-4 таси гаплашиб ўтирибмиз.
— Э, амма касал юқади. Тўпланиш керакмас. Нимага унақа қиласизлар амма?
— Ҳавотир олма жиян. Битта маска олвоганмиз. Ким гапирса, ўша тақиб гапиряпти.

Бир куни газ билан свет турмуш қурибди. Орадан бир йил ўтиб улардан газбалон билан движок дунёга келибди.
Йиллар ўтиб, газ билан свет ажрашибди. Свет Хитойга, газ эса Россияга кетиб қолишибди. Бизларга газбалон билан движок қолган экан.

— Ойижон, бу сафар она тилидан чорак баҳоим аниқ “5” чиқади.
— Баракалла ўғлим! Нега бунчалик аниқ гапиряпсан?
— Чунки чораклик иншони партадошим Манзурадан кўчирдим. Мавзусини биласизми? “Менинг таржимаи ҳолим”...

Қиз билан йигит паркда кетаётса, қиз тўсатдан ҳушидан кетиб қолибди.
Йигит:
— Сув! Сув олиб келинглар! Тез ёрдам чақиринглар, - деса
Қиз аста кўзини очиб:
— Қанақа сув? Қанақа тез ёрдам? Сунъий нафас бериш керак, - дермиш.

Эр хотинига дебди:
— Энди сен билан ҳеч қачон жанжаллашмасликка қарор қилдим.
Хотин бўлса жиғибийрон бўлиб:
— Нима? Қарор қилганмуш! Олдин мендан бир оғиз сўрадингизми?

— Дўстим, кеча тақдимоти бўлиб ўтган янги русумдаги iPhone нинг эскисига ўхшаш томонлари нимада?
— Ўхшаш томони битта! Ҳудди аввалгисидек, янгисини ҳам бизга ўхшаган одамлар сотиб олишолмайди.

Жиннилар жиннихонада ўзларича тўй қилаяпти. Биттаси қўшиқ айтаяпти, биттаси челакни чаляпти, биттаси супургини гитара қилиб олса, бир жинни бурчакда орқа томонга қараб олиб "Тиииирррр, тиртиртир" - деб турса. Врач келиб:
— Сен нима қилаяпсан, бурчакда тириллаб тўйга қатнашмийсанми, - деса.
Ҳалиги жинни врачга қараб:
— Свет йўқ-ку, мен движокман, - дермиш.

Аразлашиб қолган иккита қўшни аёлни яраштиришни йўли бор. Иккаласини ҳам бир вақтда қўшнилар группасидан чиқариб юбориш керак.