Дода латифалар

Одамларни гапи қизиқ!
Ҳар бир сўзга сўз қўшиб гапиришади.
Масалан: Овқат-повқат, нон-пон, пишириқ-...

Тошкентда янги қурилган кўп қаватли уйларни бирига харидор кириб кўраётганмиш.
— Деворлари қалин, мустаҳкамми? Қани деворни нариги тарафига ўтингчи!
— Мен шундоқ ҳам деворни орқа тарафида турибман.
— Девор қани?

Эр-хотин овқатланиб ўтиришса, хотин чапиллаб овқат ебди.
Шу пайт эри бир туртиб дебди:
— Чапиллатмасдан егин!
Бироздан кейин яна бир туртибди:
— Яна нимага туртасиз? - дебди хотини.
— Чапиллатганинг эсимга тушиб кетди, - дермиш эри.

Беморни синчиклаб текширган врач беморни ўзига эшиттирмайдиган секингина хотини томонга ўгирилиб:
— Биласизми, эрингиз менга ёқмаяпти, - деса, хотини ҳам паст товушда врачга:
— Шуни айтинг! Менга ҳам ёқмайди. Лекин болаларим уни яхши кўради-да! – дебди.

Сени ишинг, дўстларинг, таниш-билишларинг бор.
Уйдаги мушугингни эса сендан бошқа ҳеч кими йўқ. Уйингга бор...!

Бир киши ўрмондан ўтиб кетаётиб, дарахтлар кўплигидан роса чарчабти. Охирги тўнкага ўтириб ичида “Қачон тугаркан бу дарахтлар?!” деб ўйланиб қолибди.

Банкомат олдида:⠀
— Қизим ҳозир пластикдан пул ечамиз ва сенга шоколад олиб бераман, - дебди онаси.
— Ойижон, буни ичида дадам бормилар? – дермиш қизи.

— Телефонимни батарейкаси яна ўтириб қолибди.
— Қаерга ўтириб олибди? “Тур” демайсанми?!

Дўконда сотувчи харидор узатган пулларга қараб:
— Сиз бу пулларга ҳеч нарса сотиб ололмайсиз. Ахир бу пулларингиз сохта-ку! – деса, харидор:
— Мен бу пулларни майдаламоқчиман холос! Ҳеч нарса сотиб олмайман! – деган экан.