Дода латифалар

Афанди бир куни тўйга борди. Унинг ёнида ўтирган бир савдогар очофатлик қилиб еганига қаноатланмай, дастурхондаги қанд-қурслардан олиб, чўнтакларини тўлғазди. Афанди буни кўриб ёнида турган чойнакни олди-да, секин унинг чўнтакларига қуя бошлади. Савдогар пайқаб қолиб, жаҳл аралаш Афандидан сўради:
— Нега чўнтагимга чой қуйяпсиз?
— Чўнтагингиз қанд-қурсни кўп еб чанқаб қолгандир,— деди Афанди.

Жудаям зиқна бой бўлган экан. Бир куни қўшни қишлоққа ошнасиникига меҳмонга борибди. Энди ўтирган экан, уйдаги шамни ўчириб келдимми йўқми, деган савол қийнай бошлабди. Бориб келай деса йўл узоқ, бормай деса шамни эриб қолишини ўйлаб юраги увишиб кетибди. Охири чидолмай йўлга тушибди. Халлослаб уйига келиб, эшикни тақиллатибди. Хотини чиқиб, эшикни очмоқчи бўлган экан...
Бой:
— Эшикни очма, ҳадеб очиб ёпилаверса эшик емирилиб кетади. Уйдаги шамни учириб қўй, шуни айтишга келган эдим. Мен шундоқ изимга қайтиб кетаман. Тайёр ошдан қолмай.
Хотини:
— Вой дадажониси-ей, менку шамни аллақачон ўчириб қўйганман, сиз шу гапни айтиш учун шунча йўл босиб келдизми, ковушингизни тагини емириб?
Бой:
— Хавотир олма хотин, ковушим қўлтиғимда!

Раҳбарининг имзосини қўйиб ўрганган бухгалтер, ишдан бўшагач раҳбарини номига бешта кредит олишни уддалаган экан.

Агар қўл телефонингизни қуввати иш кунининг охирига келиб 95%ни кўрсатаётган бўлса, демак шу куни ростан ҳам ишлангансиз.

Ота ўғлига:
— Сен пианинода кўпроқ машқ қилишинг керак.
Ўғли:
— Бундан ортиғи бўлмайди. Бутун подезд кўчиб кетди-ку.

Ақлли ота ўғли мактабда сўкиниб гапирмаётганини текшириш учун болға билан ўғлини бармоғига уриб кўради.

Иккита қарға дарахтда гаплашиб ўтиришса, осмондан самолёт учиб ўтибди.
Биринчи қарға:
— Самолётни қара. Жуда тез учади, - деса, иккинчиси:
— Сени ҳам думингни ёқишса, сен ҳам шунақа тез учасан, - дебди.

Эр хотинидан сўрабди:
— Синган тишларингни даволатиш учун сенга нечи пул берган эдим?
— 2 млн. бергансиз.
— Камроқ гапирганинг маъқул. Энди пул бермайман!

Бир қиз кетаётганда орқадан хуштак овози эшитилибди.
Қиз хурсанд бўлиб орқасига қараса, бир одам итини чақираётганмуш.