Дода латифалар

Бир аёл эри билан қўрқинчли фильм кўриб ўтиришса, бирданига экранда даҳшатли маҳлуқ пайдо бўлса, аёл қўрққанидан:
— Вой, ойижон!!! - деб бақириб юборса, эри:
— Ҳа, дарров танидингми? - дермиш.

— Оғайни, сенга ачинаман! Уйланганингга бир ойдан ошибди-ю, ҳалиям пайпоғингни ўзинг ювяпсан-а!
— Нима? Кўз борми ўзи сенда? Бу хотинимнинг пайпоғи-ку!

Афанди бир куни товуқларига қараб ҳаёл суриб ўтирса, хотини кўриб:
— Нимани ўйлаб ўтирибсиз, - дебди.
Афанди:
— Биз энг олий мавжудод бўла туриб, шу парандаларчалик бўла олмаймиз. Қара, битта хўрозни қирқта хотини бор, болалари эса беҳисоб бўлса ҳам, ҳеч қайси бирига алимент тўламайди ва энг қизиғи бирорта ҳам қайнонаси йўқ, - дебди.

Врач - касал бўлсангиз хурсанд бўлади.
Милиция - жиноятчи бўлсангиз,
Машинангиз бузилса, уста қувонади.
Фақатгина ўғри сизга ҳамиша мўмай даромад ва хотиржам ухлашингизни тилайди.

Ўқитувчи:
— Болтабоев, нега сен Лолани жинни дединг? Қани дарҳол унга афсусда эканлигингни айтчи.
Бола қизни олдига яқинлашиб:
— Лола мени кечир, жиннилигингдан афсусдаман.

Парашютдан сакраш машқи.
— Аскарлар! Сакрагандан сўнг 10 гача санаб, ипни тортасизлар. Қани олға!
Бир аскар ерга тушиб, парашютни йиғиштираётса, ботқоқда бир аскар дудуқланиб — с-с-са-сак-киз-з-з — деб санаб ётган эмиш.

— Алло, ўртоқ, кетингдан кетвоммиза, бир орқага қараб қўйгин, Геленвагенни кўрдингми?
— Йўғее?
— Кўрдингми? Биза орқасидаги маршруткадамиза.

— Хотин, қаёққа кетяпсан?
— Дўконга.
— Пластик картамни олдингми?
— Ҳа, олдим.
— Ичидаги пулларни ишлатмагин!

Стоматолог тиш олмоқда:
— Қўрқма Алишер, бу ишни дипломсиз ҳам уддалайсан!
Бемор:
— Мени исмим Алишер эмас...
Стоматолог:
— Алишер менман!

Икки дўст суҳбати:
— Дўстим, юзингга нима бўлди? Ҳамма ёғинг кўкариб кетибди-ку?!
— Кеча тренажёр залига боргандим. Бир бақувват йигитни қўлидан тош тушиб кетса бўладими!?
— Буни юзингга нима алоқаси бор?
— Кулмасам бўларкан...!