Дода латифалар

Latifa.uz сайтида энг кўп овоз олган латифалар рўйхати.
Бир куни йигит қизни учрашувга чақирибди. Қиз кеч келибди. Шунда йигит:
— Нега кеч келдинг? - дебди.
Қиз эса:
— Чиройли қизлар доим кеч келишади, деса, йигит:
— Буни биламан! Сен нега кеч қолдинг, - дебди.
#Аёллар #Ёшлар #Эркаклар #Севишганлар #Учрашув
58

Бир киши омборида қўлбола ароқ тайёрлар экан. Челакни кўтариб сувга чиқиб кетиб қайтиб келиб қараса, иккита милиционер турганмиш.
— Ҳм, самогон қайнатяпмизми? – дейишибди улар. – Тушунтириш хати ёз!
— Нима деб ёзай?
— Борини ёз! Қандай бўлса шундай!
Ҳалиги киши шундай деб ёзиб берибди:
“Қарасам омбордан тутун чиқяпти. Ёнғин деб ўйлаб, челакни сувга тўлдириб чопиб келсам, иккита милиция қўлбола ароқ қайнатиб ўтиришган экан...”

#Қора-юмор #Эркаклар #Уддабуронлар #Ўзбекона #Милиция #Ҳақиқат-адолат
45
Бир куни тунда афанди меҳмондан қайтаётса, йўлда калондимоғ бой учраб қолибди. Бой:
— Ҳа афанди, мен сизни мол деб ўйлабман, - дебди.
Афанди ҳозиржавоблик билан:
— Ҳа бой ота, мен бўлсам сизни қоронғуда одам деб ўйлабман, - деган экан.
#Қора-юмор #Эркаклар #Шоҳ-бой
42

— Кеча эрим билан яна уришиб қолдик...
— Опа, сиз ўзи аҳмоққа эрга теккансиз!
— Нега эрим аҳмоқ экан?
— Аҳмоқ бўлмаса сизга уйланармиди!?

#Эр-хотин #Аёллар #Эркаклар #Оила
44
Нега кўпчилик оналар инстаграмда фарзандларини юзларини беркитиб қўйишади-ю, кинозалга кирганда оғзилари беркита олишмайди.
#Қисқа
116
Гўзаллик салонидан чиқган қизга бир йигит “гап отибди”:
— Яхши қиз, сочингизга нечи пул бердингиз?
— Сўраб нима қиласиз? Барибир пулингиз етмайди!
— Ҳа энди, макияжга пул етмадими дейман-да…
#Аёллар #Қора-юмор #Пул-бойлик
51
Сени ҳақиқий ҳаётинг – бу телефонингни қуввати тугаб, ўчган пайтдаги ҳаётдир.
#Қисқа #Телефон
53
Хотин эрига:
— Дадаси, бугун тушимда менга Galaxy олиб берибсиз.
— Хотинжон, сенга неча марта айтаман, ёмон туш сувга айтилади, бошқа ҳеч кимга айтилмайди деб!
#Эр-хотин #Телефон
45
Фантамас 2 ўғил фарзандли бўлибди. Бирини исмини Коламас, иккинчисини эса Пепсимас деб қўйибди.
#Қисқа #Бошқалар
48
Қўшним Ҳамдам бобонинг айтишича, у Титаник кемасини ўз кўзлари билан кўрган экан.
Бошиданоқ ҳаммани кема чўкиб кетиши ҳақида огоҳлантирибди. Ҳеч ким эътибор бермабди. Аммо, бобо барибир кема чўкиб, йўловчиларнинг катта қисми ҳалок бўлишини қайта-қайта айтаверибди. Ахийри одамлар безор бўлиб, бобони кинотеатрдан ҳайдаб чиқариб юборишибди.
#Қариялар #Қўшнилар
46
Бош саҳифаДодалариҚидиришРукнларҚўшиш