Дода латифалар

Latifa.uz сайтида энг кўп овоз олган латифалар рўйхати.
Хотиним мендан хафа бўлса, гаплашмай қўяди. 2 кундан кейин ўзи биринчи бўлиб гапиришни бошлайди. Биласизми нимага? Чунки ўтган 2 кун мени тинч юрганимга чидай олмай гапирваради.
#Эр-хотин #Аёллар #Эркаклар #Ўзбекона #Оила
58
Бир киши уйини деворларига гулқоғоз (обой) ёпиштирмоқчи бўлибди. Пастки қаватдаги қўшнисини уйига тушиб сўрабди:
— Сиз яқинда ремонт қилган эдингиз. Қанча гулқоғоз сотиб олгансиз?
— Олти ўрам гулқоғоз сотиб олганман, - дебди қўшниси.
У киши ҳам бозордан олтита гулқоғоз сотиб олибди.
Таъмирлаш ишларини тугатиб бўлгач қараса, 2 та ўрам гулқоғоз ортиб қолибди.
Қўшнисини эшигини тақиллатибди.
— Қанақа одамсиз?! Ростини айтсангиз бўлмасмиди!? 2 та ўрам гулқоғоз ортиб қолди-ку, - деса, қўшниси:
— Менда ҳам 2 та ўрам ортиб қолди. Сиз мендан қанча гулқоғоз ишлатдингиз деб эмас, қанча сотиб олган эдингиз деб сўрадингиз-ку!
#Пул-бойлик #Қўшнилар #Калтафаҳмлар
49

Қамоқдан чиқиб кетилган собиқ маҳбусдан сўрашибди:
— Сизни нимага қамашган эди?
— Пора берганим учун.
— Қамоқдан қандай қилиб чиқдингиз?
— Қамоққа қандай тушган бўлсам, шундай қилиб чиқдим.

#Қора-юмор #Ўзбекона #Ҳақиқат-адолат
48

Бир болакай шимини кийибди-ю, тугмачасини тақиш эсидан чиқиб қолибди.
Адаси буни кўриб дебди:
— Ўғлим, дўкон очиқ қолибди-ку!
Ўғли бўлса:
— Дўкон очиқ бўлса, музқаймоқ олиб беринг! – дебди.

#Болалар #Пул-бойлик #Эркаклар #Ўзбекона #Оила
39
Афанди эшагини бир қариндошиникига олиб бориб :
— Сизникида бироз муддат туриб турсин, - дебди.
Вақт ўтиб афанди қайтиб келса, эшаги озиб кетган экан.
Қариндошига:
— Нима бериб боқдингиз буни? – деса, у одам:
— Ҳали овқат бериш ҳам керакмиди?! – дермиш.
#Ҳайвонот #Афанди #Калтафаҳмлар
57
Филлар билан чумолилар жанг қилишибди.
Филни устига бир амаллаб чиқиб олган чумолига пастдаги шериклари бақираётганмиш:
"Филни томоғидан бўғ!"
#Ҳайвонот #Лоф-ёлғон
46
Эрталаб соат 4.00да уйга қайтиб келган эр секин ётоқхонага кириб ётмоқчи бўлиб турса, хотини уйғониб кетибди.
— Нега бунча эрта туряпсиз? - дебди.
Эр:
— Ош бориди наҳорда, - дебди-да, туриб кийиниб чиқиб кетган экан.
#Эр-хотин #Аёллар #Эркаклар #Ўзбекона #Оила
53
Телефонимга СМС келди.
"Қарзларингни қайтар! Акс ҳолда севган қизингни бошқа қайтиб кўрмайсан.
Ўқиб ҳайрон қолдим. Бўйнимдаги шунча катта қарзларим бунчалик кўп қувонч олиб келади деб ўйламагандим.
#Пул-бойлик #Ёшлар #Севишганлар #Телефон
49
— Дугонажон, нега яхши йигитлар ёмон қизларга уйланиб олишаркин-а?!
— Билмиман. Эрингдан сўраб кўр-чи...
#Аёллар #Ўзбекона #Дугоналар #Ҳақиқат-адолат
40
Фарзандни онасига берадиган саволлари:
1. Бугун нима овқат?
2. Соат нечи ўзи?
3. Устозим телеграмдан нима вазифа юборибдилар?
4. Қачон олиб берасиз?
5. Кўчага чиқсам майлими?
6. Кўйлагим қаерда?
7. Нега менга олиб келмадингиз?
8. Яна эсингиздан чиқдими?
Фарзандни отасига берадиган саволи:
1. Ойим қаердалар?
#Болалар #Ўзбекона #Ҳақиқат-адолат #Оила
44
Бош саҳифаДодалариҚидиришРукнларҚўшиш