Doda latifalar

— Salom do‘stim! Loyiha bo‘yicha yangilik bormi?
— Salom. Ha, 2 ta yangilik bor.
— Yaxshisidan boshlayver.
— Kim aytdi senga yaxshi yangilik bor deb?

— Toza havoda miyamiz yaxshi ishlashi rostmi do‘stim?
— Bilmadim. Bu yil institutga kirib ketsam keyin aniq aytaman.

— Seni puldan boshqa darding bormi?
— Ha! Qayerdan pul topish dardi!

Qurilish maydoni. Tepadan pastdagi sherigiga g‘isht tashlagan ishchi uni chaqiryapti:
— Qosim! Qosim!?
— ...
— Tashlagan g‘ishtimni ushlab oldingmi?
— ...
— Tepadan senga g‘isht tashladim. Ushlab oldingmi?
— ...
— Ushlab olmaganga o‘xshaydi...!

Ikki dugona suhbatidan
— Bosadigani uchta bo‘lishi kerak. Senda esa kam ekan. Haydab bo‘lmaydi buni.
— Menda avtomat.
— Qo‘rqitmoqchimisan?!

Bir darvesh, daydi odam ko‘chada ketayotsa, ko‘prik ustida joniga qasd qilmoqchi bo‘layotgan yigitga ko‘zi tushibdi.
Darvesh yigitni yoniga kelib:
— Menga qara! Sen baribir o‘lmoqchisan. Shu ust-boshingni menga yechib bera olmaysanmi? Meni kiyimlarim judayam iflos va badbo‘y bo‘lib ketdi, - desa, yigit:
— Yo‘qol! Sen iflos va jirkanchsan! Meni kiyimlarimni olmaysan! - desa, darvesh xotirjam:
— Mayli. Tezroq sakra! Men seni pastda kutaman! - dermish.

— Matros, hammasi yaxshimi?
— Ha kapitan, hammasi a’lo! Vahimaga o‘rin yo‘q! Faqat biz cho‘kyapmiz...

Meni 4 ta o‘g‘lim bor. Biri bankir, ikkinchisi o‘qituvchi, uchinchisi injener, to‘rtinchisi taksichi.
Lekin hozir bittasi pul topyapti xolos. O‘zimni aqlli taksichi o‘g‘lim...!

Qamoqxona boshlig‘i:
— Xo‘sh mahbuslar! Bugundan boshlab qamoqxonada uch martta ovqatlanish tartibi joriy qilindi.
Mahbuslar:
— Qoyil!!! Zo‘r-ku!
Qamoqxona boshlig‘i:
— ya’ni dushanba, chorshanba, juma!

Ikkita ovsin suhbati:
— Oldingizda 2 ta qop turibdi deylik. Bir qop tilla bilan bir qop aql.
Siz qaysi birini tanlagan bo‘lardingiz?
— Aqlni tanlagan bo‘lardim, - debdi ovsin o‘zini ko‘rsatmoqchi bo‘lib.
— Hamma o‘ziga yetmaganini oladida, - debdi ovsini.