Дода латифалар

Афанди бир куни қўшнисидан қозон сўраб чиқибди. Орадан бир ҳафта ўтгач, қозонни иккита қилиб олиб чиқибди. Қўшниси ҳайрон бўлиб:
— Нега иккита қозон олиб чиқдингиз?, - дебди.
Афанди эса жавоб берибди:
— Қозонингиз ҳомиладор экан, туғди.
— Қозон керак бўлса тез-тез сўраб туринг, - дебди қозоннинг эгаси.
Орадан бир неча кун ўтиб, афанди ўша қўшнисидан катта дошқозон сўраб чиқибди. Қўшниси дарров берди. Орадан бир ҳафта ўтибди, ўн кун ўтибди, бир ой ўтибди. Афанди эса ҳануз қозонни қайтармасмуш. Қўшниси ўзи қозонни сўраб чиқибди. Афанди қўшнисига ҳомуш қараб:
— Қозонинг бетоб экан. Қазо қилди, - дебди.
— Қанақасига қозон бетоб бўлсин?, - деб бақирибди қўшни, - ҳеч жаҳонда қозон ҳам ўладими?
— Қозонинг туққанига ишонасану, ўлганига ишонмайсанми?, - дебди афанди.

— Эшитишимча, уйланган эмишсан.
— Ҳа, кўчадаги ошхоналарда овқатланиб юриш ёқмаётган эди.
— Энди-чи?
— Энди ёқяпти.

Бир одам тақдир тақазоси билан қамоққа тушиб қолибди. Қамоқда уни соқчи биқинига уриб, туртиб олиб кетаётса, ҳалиги одам:
— Секин, ҳой укам секинроқ. Аввал муомалангизни тўғрилаб олинг. Бунақада ҳеч ким келмай қўяди бу ерга, - дермиш.

Хотин эрига савол берибди:
— Дадаси, кобра илонини кўрганмисиз?
Эри:
— Ҳa, ахир ўн беш йилдан бери ёнида яшаяпман-ку.
— Чақса одам ўлармиш-а?
— Унда мени қонимда кобрани заҳарига қарши иммунитет пайдо бўпти-да?!

Полковник генералга эришилган муваффақиятлар ҳақида ҳисобот бермоқда:
— ... ҳарбий қисмда айниқса, тартиб-интизом соҳасида улкан ютуқларга эришдик, - деб турса,
Шу пайт қия очиқ эшикдан аскар мўралаб:
— Эй қария, машинангни миниб кетяпман, хўпми?
Полковник ҳайратда қолган генералга ўгирилиб:
— Мана кўрдингизми, ярим йил олдин улар ҳатто сўраб ҳам ўтиришмасди, - дермиш.

— Алло азизим, машинамдаги навигаторга сен тегдингми?
— Ҳа, Самарқандга қандай борилишини кўриб чиқган эдим.
— Айтдим-а, нега бу шаҳарга келиб қолдим деб!

Ёш қизалоқ:
— Вой, дадажон пиёлангизга қаранг, чой шамаси сузиб юрибди. Энди бизникига меҳмон келади, - дебди севиниб.
Дадаси чойдаги шамани шошилиб олиб, ютиб юборибди-да, - ана энди ҳеч ким келмайди, - дебди.
Шу пайт ўғли уйга югуриб кириб:
— Дада, холам бизникига келаётиб, лифтга қамалиб қолдилар, - дермиш.

Бир киши ҳар доим ароқни тўққизта пиёлага қуйиб, биринчи ва тўққизинчисини олиб қўяркан. Қолганларини эса ичиб юбораркан. Бунинг сабаби нима эканини ундан сўрашганида:
— Биринчисини ичиш қийин, тўққизинчисини ичсам маст бўлиб қоламан, - дермиш...

Бир аёл шилқим эркакка:
— Агар яна бир мартта мени қоматим устидан кулсанг, мана шу ўқлов билан тушираман.
— Тушундим!
— Нимани тушундинг?!
— Сени қоматинг менга аниқ тахдид солишини-да...

Дарс пайтида, бир ўқувчи қўлини кўтариб, баланд овозда:
— Домлажон, илтимос жавоб берсам майлими? - деб сўрабди.
Домла:
— Майли, жавоб бер, - дебди.
— Алло, дада? Нима гапла?...