Haydovchilik guvohnomasiga o‘qiyotgan ayolga instruktor debdi:
— Men mashinani to‘xtating desam, siz nima qilyapsiz?
Ayol:
— To‘xtayapman-ku?
Instruktor:
— Mashina to‘xtasin, miyangiz ishlashdan to‘xtamasin!!!
O‘zbek futbolchilarining jahon chempionatiga chiqmayotganini sabablari:
1. 2010 yil – Afrika juda issiq edi.
2. 2014 yil – Braziliya uzoqlik qildi.
3. 2018 yil – Rossiyaga o‘zbeklar borsa, qurilishga kelishdi dyeb o‘ylashadi.
4. 2022 yil – bir bahona topilib qolar ...
— Agar senga katta pul evaziga ko‘chaga chiqib “Men badbasharaman” deb baqirib yurgin deyishsa rozi bo‘larmiding?
— Albatta! Badbashara bo‘lsam ham ahmoq emasman-ku!
— Styuardessa, nimaga samolyot silkinib uchyapti?
— Kim aytdi sizga uchyapmiz deb?! Samolyotimiz nosoz ekan. Samarqandgacha 300 kilometr, yerda yurib yetib olishga qaror qildik.
Sudya:
— Ayblanuvchi, oylik maoshingiz 500 ming so‘m bo‘lsa-yu, siz 2 qavatli uy, dalahovli qurishga pulni qayerdan olyapsiz?
Ayblanuvchi:
— Janob sudya, bu savolingizga javob berishim uchun menga vaqt kerak...
— Juda yaxshi. 7 yil yetadimi?
Bir ayol diyetolog vrachga qo‘ng‘iroq qilib debdi:
— Doktor, tez ozmasam bo‘lmaydi. Juda-yam semirib ketganga o‘xshayman.
— Nega unaqa deyapsiz? – so‘rabdi vrach.
— Bugun gapiradigan tarozi sotib olgan edi. Uyga olib kelib unga chiqsam, tarozi menga “Shoshilmay, bittadan chiqinglar
Tez yordamga qo‘ng‘iroq. Ayol kishi:
— Allo, tezoq yetib keling. O‘g‘lim suvarak yeb qo‘ydi.
— Hechqisi yo‘q! Ko‘ngli behuzur bo‘lib, chiqarib yuboradi.
— Men o‘g‘limga “Suvarakka qarshi dori”ni ichirgan edim...
— Tez manzilni ayting! Yo‘lga chiqyapmiz!
Zargarlik do‘koniga kirgan yigit soatlarga qarab tursa, sotuvchi qiz kelib debdi:
— Hurmatli mijoz, sizni omadingiz bor ekan. Bizda ayollar ziraklariga chegirmalar boshlandi. Sevgan qizingizga arzon narxlarda zirak sotib olishingiz mumkin.
Yigit xafa bo‘lib:
— Sevgan qizim yo‘q meni, - debdi.
Sotuvchi yana:
— Qanaqasiga?! Shunday kelishgan yigitni sevgan qizi bo‘lmasa?! Nega axir? – desa, yigit yana xafa bo‘lib:
— Xotinim ruxsat bermayapti, - dermish.
Navbatdagi mag‘lubiyatdan keyin O‘zbekiston futbol ishqibozlari choyxonaga kirib askiyalashib o‘tirishganmish:
— Man o‘yinchilarimiz tepgan to‘pini kapalakka o‘xshatdim.
— Nega?
— Burchakdan to‘p tepishlari huddi kapalak ohista uchib, raqib darvozabonini qo‘liga sekingina qo‘nganday bo‘lganligi uchun...
— Men esa o‘yinchilarimizni ertaklarimizdagi kenja botirga o‘xshatdim.
— Nega?
— To‘p bilan darvozaga yaqin kelganda darvozaga tepaymi, chapga oshiraymi yoki o‘nggami? - deb chuqur hayolga botishganligi uchun...
— Men esa o‘yinchilarmizni mehmondo‘st azamatlarga o‘xshatdim.
— Nega?
— Hech ko‘ptokni talashishmaydi. Oling-oling deb mehmonlarga uzatgani uchun...
Dushanba kuni ertalab hamkasblarning ishxonadagi suhbati:
— Do‘stim, chin so‘zim, boshqa ichmayman, bo‘ldi!
— Nahotki. Nimadir bo‘ldimi?
— Juma kuni ishdan uyga qaytdim. Qarasam, rosa charchabman. Shkafda berkitib qo‘ygan bir shisha aroqni olib ichdim-da, uxlashga kirib ketdim.
Ertasi kuni ko‘chaga chiqsam, hamma gapiryapti. Nima emish?! Kecha kechasi bilan butun mahallani uxlatmay, ko‘chada baqir-chaqir qilganmishman. Bo‘lishi mumkinmas do‘stim. Uxlashga yotganim aniq esimda...
