Haqiqat-adolat haqida latifalar

Issiq havoda do‘konga kirib kelgan bolaga sotuvchi debdi:
— Nima olasan?
Bola javob beribdi:
— Dam olaman.
Yangi sotilayotgan telefon ekranlarida ham sigaret qutilaridek yozuvlar bo‘lishi kerak:
"Ko‘zingni nuridan ayrilasan!", "Bosh miya saratoniga olib keladi", "Rulda bo‘lsang, avariyaga uchraysan", "Xotining bilan janjallashib qolasan" va hakozo.
Erkak kishini bir qulog‘idan kirgan gap, ikkinchisidan chiqib ketadi, ayol kishini ikki qulog‘idan kirgan gap og‘zidan chiqib ketarkan...
Ayollarni mehmonga ketayotgan vaqtida "5 daqiqada tayyor bo‘laman" degan gapi erkaklarni "5 daqiqada uyda bo‘laman" degan gapi bilan bir xil.
— Boshliq, bugun ishdan ertaroq ketsam maylimi?
— Necha daqiqaga?
— Mumkin bo‘lsa, 480 daqiqaga.

Bir tiyinsiz o‘tirmaslik uchun yonboshlab oldim.

— Do‘stim, nega ko‘zing ko‘kargan?
— Kecha xotinim pishirgan ovqatni maqtayman deb, “Onasi, ovqating mazali emas, ... judayam mazali chiqibdi” demoqchi edim. Gapimni oxirigacha aytishga ulgurmadim...
Nafaqaga chiqayotganingda, bir umr pul to‘lanadigan ta’tilni orzu qilganingni esla!
— Vafodor er bilan bevafo erni farqi nimada?
— Farqi katta. Vafodor er har safar xotiniga "Senga xiyonat qilmaganman" deganida vijdoni qiynalaveradi...
Ingliz tilini qanchalik yaxshi bilsang ham, 25 years so‘zini baribir "Yigirma besh years" deb o‘qiyverasan.