Bir kishi tilla baliq ushlab olibdi.
— Tila tilagingni ey yaxshi inson! - debdi baliq tilga kirib.
— Mashina olishni istayman, - debdi kishi.
— Kreditgami yoki naqdgami? - debdi baliq.
— Paxta yog‘ida qovuraymi seni yoki pista yog‘idami? - debdi haligi kishi.
Bir odamni o‘g‘lini qo‘shnisini kuchugi tishlab olibdi.
Vrachga borsa, vrach so‘rabdi:
— Bolangizni qanday it tishladi?
— Kichkina it tishladi, - javob beribdi haligi odam.
— Daydi it tishladimi yoki tanish itmidi deb so‘rayapman, - debdi vrach.
— Meni itlardan tanishim yo‘q, - debdi boyagi odam.
Hozir uzoq qishloqlar yashaydigan ayollarda ham kir mashina bor. Lekin kirni qo‘lda yuvishadi.
Nimaga deysizmi? Chunki elektr yo‘q!
Bir bolakaydan so‘rashibdi:
— Isming nima?
— Y harfidan boshlanadi, toping-chi! - debdi bolakay.
— Yo‘ldoshmi? Yigitalimi? ...
— Yo‘q, topa olmadingiz! Yustam.
— Rustam ekan-ku?! Nega Y dan boshlanadi deysan?!
— Y hayfini ayta olmayman!
Akula bilan itbaliq urisha boshlabdi.
Jahli chiqqan akula itbaliqqa "Itni bolasi" deb baqirayotganmish.
— Dugonajon, qanday qilib kechqurun soat 5.00 dan keyin ovqat yemaslikni o‘rgansam ekan?!
— Bilasanmi, senga bitta maslahat beraman...
— Maslahat berishni o‘zimam bilaman!
Bola adasiga:
— Siz uyda kimsiz?
Adasi:
— Men bu uyda direktorman.
Kunlarning birida bola adasiga:
— Ada, siz xizmat safariga ketganingizda uyimizga yangi direktor keldi...
Qiz onasi bilan doktorga boribdi. Doktor qizga:
— Yechining, tekshiramiz, - desa
Qiz:
— Men emas, oyim kasal, - desa
Doktor:
— Qani opajon og‘zingizni ochib: "A-A-A" - dengchi dermish.
Buvisi nabirasi bilan ko‘chada ketayotsa, o‘qituvchisi kelayotganmish.
Buvisi:
— Berkin! O‘qituvching kelyapti! Bugun darsga bormading-ku! - desa, nabirasi:
— Siz berkining! Sizni o‘lib qoldilar deganman, - debdi.
Kunlarning birida yoshgina qiz dugonasiga hasratini aytib ketibdi:
— Meni yigitim 2 kun avval tashlab ketdi.
Dugonasi:
— Voy dugonajon, men bo‘lsa 2 kun avval bir yigit bilan tanishib qoldim.