O‘qituvchi:
— Valijon, kundaligingni ota-onangga ko‘rsatdingmi?
O‘quvchi:
— Yo‘q, ustoz!
O‘qituvchi:
— Nega?
O‘quvchi:
— Ota-onamni salomatligi men uchun juda muhim!
— O‘g‘lim, bugun uyga vazifalaring ko‘pmi?
— Ha, bugun ancha asabiylashasiz!
"Dunyoda tinchlik!" jumlasini insonlarga sodda tilda tushuntirish uchun musobaqa e’lon qilinibdi. Internetda 200 ta jumla orasida eng ko‘p ovoz to‘plagani - "Bolalar uyquda!" jumlasi birinchi o‘rinni olibdi.
Kecha 100 ming so‘mlik pulga "mayda" topolmay qoldim. Hech kimda yo‘q...
Qarasam yo‘l chetida YPH xodimi turibdi. Yonga borib:
— 100 ming so‘mga maydangiz yo‘qmi? - desam, u:
— Yo‘q, hali tushmadi! Hozirgina kelib turibman o‘zi! - deydi.
Eng yaxshi tong bu - o‘rningdan turding, yuvinib choy ichding va yana yotib uxlab qolding!
Yigit telefonidan telegram, instagramga kirib o‘tiraverib, qayerda ekani, qancha vaqt o‘tirganini ham esidan chiqarib qo‘yibdi. Bir payt eshik taqqillabdi.
— Kiravering, eshik ochiq, - debdi.
Birozdan keyin yana taqqillabdi.
— Kiravering dedim-ku, - javob beribdi yigit.
Eshikni orqa tarafidagi ovoz:
— Chiqsang kiramanmi!? Xojatxonaga kirganingga 2 soat bo‘ldi, - debdi.
Farzandimdan karra jadvalini so‘rayotgan vaqtimda o‘zimni teleboshlovchiga o‘xshataman.
Hech narsani bilmayman. Lekin bosh chayqab turaman.
Bir kishi doktorning oldiga kelib:
— Doktor, shu yerimni ushlasam og‘riyapti, - desa, doktor:
— Ushlamang, og‘rimaydi! Sizdan 50 ming so‘m, - debdi.
Matiz avtomobilini orqasidan katta tezlikda kelib urgan Malibu 2 ni yoniga GAI xodimi kelib qarasa, oynalari qoraytirilgan Malibu 2 ni ichida shahar sudyasi o‘tirgan ekan. GAI sekingina Matizni yoniga borib "Hurmatli haydovchi! Siz Malibu 2 avtomobilini katta tezlikda quvib o‘tib, uni old tarafiga urdingiz! Hujjatlarni taqdim eting!" - dermish.
Raketa oynalarini tonirovka qilib olgan kosmonavtlar oyni ko‘rmasdan yonidan uchib o‘tib ketishdi.