Bir odam ko‘zi o‘tkirligini maqtanmoqchi bo‘lib:
— 25 metr naridagi daraxtda chumoli ketyapti, - desa, yonidagisi:
— Ha, o‘g‘il bola ekan, - dermish.
Bir kuni bir ayol bolasini bog‘chadan olib qolib, peshinda uxlatmoqchi bo‘libdi.
— Oppoq bolam uxla, shirin bolam uxla, - desa, bolasi:
— Oyi, unaqa desangiz uxlamayman. Ko‘zlaringni yum, yashamagur! deb meni ursangiz uxlayman, - debdi.
Ba’zi davlatlarda yashash qiyin emas, boylarni to‘ydirish qiyin bo‘lib qoldi...
— Odiljon, sen kimning gapini ko‘proq eshitasan, adangnimi yoki oyingnimi?
— Oyimni.
— Nega?
— Oyim ko‘proq gapiradilar-da.
Haydovchilik guvohnomasini olishga imtihon ketmoqda:
— Ayting-chi, chorrahaning bir tarafida avtobus, bir tarafida yuk mashinasi, yana bir tarafida esa mototsikl turibdi. Qaysi biri birinchi bo‘lib chorrahani kesib o‘tadi?
— Taksichilar kesib o‘tadi.
— Nima? Taksi qayerdan kelib qoldi?
— Hech qaysi haydovchi bilolmayapti bu taksilar qayerdan kelib qolayotganini!
— Salom do‘stim.
— Salom.
— Men kecha seni xotiningni avtobusda ko‘rgandim. U menga shunaqa zo‘r latifa aytib berdi, kulaverib sal qoldi divandan tushib ketishimga.
Institutda o‘qituvchi talabaga qarab:
— Darsga yana tayyormasmiz deng!
— Ha, domlajon...
— Kechasi bilan televizor ko‘rib chiqqanmiz demak...
— Shunaqa...
— Institutga ham hurmat yo‘q deng!
— ...
— Davlatni pulini yeb yotibmiz deng!
— Uzr domlajon. Sizni bilmadim-u, meni hali ota-onam boqyapti...
— Do‘stim, statusingni emas hayotingni o‘zgartiradigan vaqt keldi!
— Zo‘r gap aytding! Shoshmay tur, shuni statusimga qo‘yib olay...
— Tartib-intizom va tozalik xodimlarimizning eng asosiy shiori bo‘lishi kerak, - debdi korxona direktori ish so‘rab kelgan yigitga.
— Ha, albatta!
— Masalan, siz bu yerga kirishdan avval oyog‘ingizni artdingizmi?
— Artdim! Toza qilib artdim!
— Ikkinchidan, biz uchun tozalikdan ham muhim jihat - rostgo‘ylik. Korxonamiz eshigi oldida pol latta yo‘q-ku?!
