Эркаклар ҳақида латифалар

Кўчада бир ҳовуч ширинликни паққос тушираётган болакайни кўрган киши унга деди:
— Кўп ширинлик еяверма! Бу соғлиғинг учун жуда зарарли!
Болакай:
— Мени 90 ёшга кирган бувам бор... – дебди.
Ҳалиги киши:
— Буванг ширинликларни камроқ егандур-да?! – деса, болакай:
— Бувам бировларни ишига камроқ аралашган.
30 ёшга тўлган йигитларни 20 ёшли йигитлардан фарқи шундаки, оғайнилар билан чойхонада ўтириш учун 1 ҳафта ҳам телеграмда келиша олишмайди...!
Бир йигит хонасида нос чекиб ётса, отаси кириб қолибди:
Шунда йигит нима қилишини билмай, кўйлаги ичига қараб, "Туф-туф-туф чўчиб кетдим", деган экан.
Эр-хотин фарзандлари билан ўтириб никоҳ тўйини видеосини кўраётишса, ўғли сўрабди:
— Ада, сиз қанисиз?
Адаси:
— Ман бу тўйда йўқман! - дебди.
Хотин эрига:
— Адаси, кеча нега кечқурун мени бошқа аёлни исми билан чақирдингиз?!
— Қоронғу эди-ку онаси, тушунсанг-чи ахир!
Йигит онасига:
— Сиздан рухсат сўрамасдан бирор иш қилишим учун нечи ёшга киришим керак, - деса, онаси:
— Бунақа ёшга ҳали аданг ҳам кирмаган ўғлим, - дебди.
Ишдан қайтган хотинига эри дебди:
— Мени севимли 50 килолигим келди!
Хотин:
— Мен 56 киломан!
Эр:
— Демак, охиригача севмас эканман-да!
Бола уйга келиб адасига деди:
— Бугун мактабда 5 баҳо олдим.
Адаси сўрабди:
— Қайси саволга жавоб бердинг?
Бола:
— Атом заррасида нечта молекула бор? - деган саволга 2 та деб жавоб бердим.
Отаси:
—Атомда молекула 3 та-ку?!
Бола:
— Ҳамма 1 та деб жавоб берди. Меники тўғри жавобга яқин келди.
Никоҳ оқшомида куёв уялиб ўтирган келинга дебди:
— Тўйгача қўлингни ҳам ушлатмадинг. Одобли қиз эканинг шундоқ кўриниб турибди. Акс ҳолда сенга уйланмаган бўлардим.
Келин жавоб берибди:
— Шу нарсага фаросатим етгунича биласизми мени қанча йигитлар ташлаб кетишган...!

Хотин эрига деди:
— Азизим, сизни телефонингиздан дугонамга қўнғироқ қилиб олсам майлими? Ўзимникида пул қолмабди.
Эри:
— Майли, қилавер!
Хотини дугонасини рақамини терса, гўшакни у томонидан жавоб келибди:
— Алло, бормисиз жоним...?