Эркаклар ҳақида латифалар

Йигит:
— Менга турмушга чиқсанг, дунёни исталган шаҳарида дам оласан
Қиз:
— Ундай бўлса, розиман!
Тўйдан кейин.
Йигит:
— Мана, хоҳлаган жойда дам ол!
Қиз:
— Бу нима?
Йигит:
— Дунё харитасини расми туширилган гилам!

Хотин эридан сўраётганмиш:
— Адаси, сочларим чиройлими?
— Ҳа, чиройли.
— Кўзларим-чи?
— Кўзларинг ҳам.
— Бурним чиройли-а?
Эр ҳайрон бўлиб:
— Нима, кўзгуда кўринмаяпсанми???
Айтишларича, бадавлат инсонлар саҳар туришар экан.
Хотинимни мендан беркитган бойликлари қаерда экан-а?!
Бир киши кечаси ухлаб ётса, эшик таққиллаб қолибди.
— Ким у? – дебди ҳовлига мўралаб.
— Сизларга ўтин керакми? – дебди нотаниш одам.
— Йўқ, керакмас! – деб ухлашга кириб кетибди.
Эрталаб турса, ҳовлида йиғиб қўйган ўтинлари йўқ эмиш.
Балиқ овидан яхши кайфиятда қайтган эр хотинига:
— Қара, қанча балиқ тутганимни! Бугун овим бароридан келди! - дебди.
Хотини:
— Алдаманг! Шунча балиқни ўзингиз овламагансиз! Қўшнимиз сизни балиқ дўконига кириб-чиқганингизни кўрибди-ку! - деса, эри:
— Тўғри, кирдим. Тутган балиқларимни ярмини сотиб юборишга тўғри келди-да! - дермиш.
Ўқитувчи Азизжондан сўради:
— Сен катта бўлсанг ким бўласан?
Азизжон:
— Камбағал бўлмоқчиман.
Ўқитувчиси:
— Нега? Ахир бу яхши эмас-ку!
Азизжон:
— Чунки дадам икки қават ҳашаматли уйлар, қимматбаҳо машиналарни ёнидан ўтаётиб, "Қара ўғлим, камбағалларни уйи экан..." - дейдилар.
Таъқиқланган жойда балиқ овлаётган одамни ёнида инспектор келиб:
— Сизга катта миқдорда жарима ёзаман, - дебди.
— Нима қилай инспектор!? Бу ерда дам олиб ўтирсам, шу балиқ ўзи сувдан чиқиб келаверади, - дебди.
— Қандай қилиб? Қани кўрсатинг-чи?! - деса, ҳалиги одам балиқни сувга ташлаб юборибди.
— Қани балиқ чиқиб келаётгани? - дебди инспектор.
Ҳалиги одам:
— Қанақа балиқ? Мен бу ерда шунчаки дам олиб ўтирибман! - деган экан.
Бўйдоқ йигитдан сўрашибди:
— Сен тенги ўртоқларингни ҳаммаси уйланиб хотин, бола-чақали бўлишди. Сенга алам қилмайдими?!
Йигит жавоб берибди:
— Нима қилай алам қилади! Уларга қандай ёрдам беришни билмайман-да!
— Ўғлим, ҳеч қачон чиройли қизга уйланма!
— Нимага ада?
— Чиройли қизлар сени ташлаб кетади!
— Хунук қизлар ҳам ташлаб кетиши мумкин-ку?!
— Кетса-кетавермайдими!
Эр-хотин ажрашишмоқчи бўлибди. Суд жараёнида тортишиб қолибди:
— Иккита фарзандимиз мен билан қолади, биттаси сен билан! - дебди эри.
— Йўқ! Иккитаси мен оламан, биттасини сиз оласиз! - дебди хотини.
Судья ажрим қилибди:
— Уйга кетаверинглар! Тўртта фарзандли бўлганингизга келасизлар!