Саломатлик ҳақида латифалар

Ҳамманинг ўз бахт формуласи бор. Масалан ман хонам шипига "Эртадан югуришни бошлайман!" деб ёзиб қўйганман. Ва ҳар куни эрталаб уйғонганда бу ёзувга кўзим тушади ва "Ҳайриятки бугундан эмас, эртадан экан!" деб хурсанд бўлиб қўяман...
Бир одам Афандидан:
— Афандим, эрталабдан бери бошим қаттиқ оғрияпти. Нима қилсам экан? - деб сўраса, Афанди жавоб берибди:
— Ўтган куни тишим қаттиқ оғриганда суғуриб ташлагандим. Фойдаси бўлди лекин, - дермиш...
Тишни яхши сақлаш учун аёлларга бепул маслаҳат:
1. Кунига 2 марта тозалаш!
2. Йилда 2 марта стоматологга бориш!
3. Эрга асло гап қайтармаслик!
Бир содда аёл дорихонага кириб сотувчига дебди:
— Охирги пайтларда хотирам ёмонлашиб, ақлий фаолиятим сустлашгандек бўляпти. Менга мияни яхши ишлашига ёрдам берадиган дори берсангиз...
— Мана шу доридан кунига 3 маҳал ичиб турасиз.
Уйга келиб харид қилган дорини таркибини ўқиб ўтирган хотин эрига қараб дебди:
— Вой ўлмасам адаси... Фалон пулга сотиб олган дорим ҳовлимизда ўсиб ётган оддий ўтлардан тайёрланган экан-ку! Мен бўлсам шунча пул сарфлаб ўтирибман-а...
Эри хотинини гапини эшитиб:
— Ана хотин, дори тасир қила бошлабди, - деса, хотини:
— Қанақасига? – дебди.
— Миянг ишлай бошлади, - дермиш эри.
Чекишнинг зарари аниқ исботланди. Чеккани чиққанимда ўртоқларим овқатимни еб қўйишибди.

Ҳукумат вакиллари «Чернобыль» АЭС дан бўшаб қолган ерларга нима экиш мумкинлиги ҳақида муҳокама қилмоқда:
— Дарахт экиб бўлмайди. Ер заҳарланган. Мевали кўчатларни гапирмаса ҳам бўлади...
— Мен биламан! Бу ерларда тамаки етиштириш керак. Тамакини йиғиб олиб, ундан сигарет тайёрланади ва сигарет қутисини устига шундай ёзув ёзиб қўйилади:
“Соғлиқни сақлаш вазирлиги охирги марта огоҳлантиради! Чекиш соғлиқ учун хавфли!”

Талабалар ётоқхонаси. Тонг.
— Вой белим, ёмон оғрияпти!
— Кечаси билан ҳуррак отганингдан кейин оғрийди-да!
— Кечаси билан яна мени тепиб чиқдинг-ми...?
Бир кампир қўзиқориндан заҳарланиб врачга борибди. Врач кампирга:
— Онахон, ҳар нарсани еяверманг-да! – деса, кампир:
— Болам, ҳар нарсани уволи бор! Увол бўлмасин деб еб қўяман-да, - дермиш.
Бир аёл врачнинг хонасига кириб, касаллик варақасини унга узатибди. Врач анкетани секин варроқлаб оча бошлабди-ю, ҳар-ҳар замон “Вой-вой! Шунчалик ҳам бўладими?!” деб бой чайқаб қўйибди.
Буни кўрган бемор аёлни “нафаси ичига тушиб” сўрабди:
— Доктор, аҳволим шунчалик ёмонми?
Врач бўлса унга қараб дебди:
— Сизни эмас, кўзимни айтяпман...! Кўзойнаксиз умуман ўқий олмайдиган бўлиб қолибман-а...
Врач хонасини эшигини очиб остонада унга тиржайиб турган киши дебди:
— Салом доктор! Кирсам бўладими?
— Ҳозир беморим бор... – дебди врач.
— Мен сизни яқин дўстингизман. Беш йил аввал кўришганмиз, эсингиздами?
— Яқин дўстларим билан 5 дақиқа аввал кўришдим. Беш йил аввал кўришган бўлсак, беморим экансиз. Навбатга туринг!