Саломатлик ҳақида латифалар

Психиатр:
— Тушунишимча, бугундан свет, газ ва бензин нархи ошганини эшитиб умуман асабийлашмадингиз, тўғрими?
— Тўғри. Мутлақо!
— Бу касаллик сизда қачондан бери кузатилади?
Эрталаб кўчага чиқиб қарасам, одамлар югуриб юришибди. Семиз одамлар югуриб кетишмоқда. Гўёки, “семизлик”дан қочиб кетаётишгандек...
— Доктор болам, қулоғим мутлақо эшитмай қолди-я...
— Унда хурсанд бўлинг отахон! Дунёнинг ташвишларидан қутулибсиз.
Бемор врачга келиб дебди:
— Доктор менга ёрдам беринг. Фикру ҳаёлим фақат телеграмда, кундузи ҳам, кечаси ҳам группадаман! Нима қилай, маслаҳат беринг...
Врач:
— Бу жиддий касаллик. Юринг, сиз билан личкада гаплашамиз.
Ҳозирги замон беморлари 2 турга бўлинади:
Биринчиси, пули кам ва тузалмасдан, касалхонадан тез чиқиб кетадиганлар.
Иккинчиси, пули кўп, лекин ҳечам касалхонадан чиқа олмайдиган беморлар!
Психиатр қабулида бемор:
— Доктор мени қўлларим тинимсиз қалтираяпти.
— Ичасизми?
— Ичардим.
— Чекасизми?
— Чекардим.
— Нима, ташладингизми?
— Йўқ, энди ташламоқчиман...
— Кўрдингизми? Ҳозирдан қўрқяпти организмингиз!
Шифокор ҳузурида:
— Салом доктор! Биз келдик.
— Кечирасиз, сиз бир ўзингиз-ку?!
— Мен ва менинг касалликларим!
Йигит дўстидан сўрабди:
— Сени катта опанг стоматолог бўлиб ишлайдими?
— Ҳа, у стоматолог.
— Нега у бу касбни танлаган?
— Чунки опамга эркаклар оғзини, кўзларини катта очиб унга қараб туришлари жуда ёқади!
Тушкун бемор врачдан сўрабди:
— Доктор, нега таҳлил натижаларим бунчалик ёмон?
— Сиз улар учун қанча пул тўлаган эдингиз?
— 50 минг сўм.
— Яхши натижали таҳлиллар бизда қиммат туради!
Жарроҳ операция тугагандан сўнг беморга деди:
— Кечирасиз, ичингизда қайчи қолиб кетибди. Сизни бошқаттан операция қилмасак бўлмайди.
— Майли дўхтир. Фақат операциядан кейин қорнимга тугма қадаб қўйинг! Яна бирор нарса қолиб кетса, баданимни кесиб ўтирмайсиз.