Мухим-саналар ҳақида латифалар

Йигит дўстига:
— Нима у? Учиб ўтиб кетган?
Дўсти:
— 2021 йил! Учиб ўтиб кетди...

Йигит дўстига:
— Нима у? Учиб ўтиб кетган?
Дўсти:
— Ёз! Ёз учиб ўтиб кетди...
Байрам арафасида эр хотинига тинмай тиржая бошлади:
— Дадаси, нима гап, намунча менга қараб тиржаясиз?
— Э, хотин! Кеча телевизорда "Агар хотинингизга байрамга совға сотиб ололмасангиз, табассум қилинг", дейишди.
Хотин эрини ёнига келиб дебди:
— Адаси, эртага онамни туғилган кунлари, нима совға қиламиз?
— Онанг нечи ёшга тўладилар? – сўрабди эри.
— 50га тўладилар. 50 минг берамизми? – дебди қувониб.
Эр:
— 50 минг ёшга тўлмаяптилар шекилли!? – дебди жаҳл билан.
— Эртага Мафтунани туғилган куни. Совғага нима?
— ... ?
— Балки iPad совға қиларсизлар?
— Бас қил Мафтуна, ўзимиз биламиз!
Бир болакай туғилган кунига масҳарабоз келишини жуда хоҳларкан. Бувиси бу йили албатта масҳарабоз чақиришга ваъда берибди. Туғилган куни ҳам етиб келибди. Лекин масҳарабоз йўқ эмиш. Бувиси нима қилишини билмасдан турса, эшик қўнғироғи чалинибди. Очиб қараса, иккита дайди тентаклар турганмиш.
— Уйингизда бизбоп иш йўқ-ми? Бироз пул ишлаб олмоқчи эдик, - дейишибди. Аёл уларга боғдаги ишларни қилишни буюрибди.
Набираси эса масҳарабозни ҳанузгача кутиб ўтираркан. Аёл бир пайт қараса, бояги дайдиларнинг бири гоҳ дарахтга чиқиб сакрар, гоҳ у ёқдан, бу ёққа югурар, баъзан ҳар хил кулгили ҳаракатлар қиларкан. Аёл масҳарабоз топилганидан хурсанд бўлиб кетибди. Сакраб юрган кишини ёнидаги шеригини секин чақириб:
— Кечирасиз. Анави дўстингиз бир соатга масҳарабоз бўлиб турмайдими? Яхши ҳақ тўлайман!, - дебди.
Ҳалиги одам дўстига қараб:
— Ҳой, мўмайгина пулга иккинчи бармоғингни ҳам баҳридан ўтасанми?, - дермиш.
Боши қотган бир эркак дўстига:
— Бугун хотинимни туғилган куни. Нима совға қилсам экан? - дебди.
Дўсти:
— Уйга маст ҳолатда бормасанг бўлди. Совға - шу!
Эркак ўйланиб туриб:
— Тўғри, хотинимни юбилейи ҳар ҳолда...!
— Дўстим, муҳими совға эмас эътибор!
— Майли. Унда сени туғилган кунингда фақат сенга қараб юраман.

Дугоналар:
— Эрингни туғилган кунига қандай совға қилдинг?
— Ўша куни эрим билан уришмадим.

Йигит қиздан сўрабди:
— Ёшингиз нечида?
Қиз:
— Қиз боладан ёшини сўраб бўлмайди!
Йигит:
— Ҳа майли. Унда туғилган кунингиз қачон?
Қиз:
— 24 мартда.
Йигит:
— Қайси йили?
Қиз:
— Ҳар йили!