Haydovchilar haqida latifalar

Bir taksist qorong‘ida uyiga qaytayotsa, bir kampir to‘xtatib:
— O‘g‘lim meni qabristonga oborib qo‘y, - desa
Taksist o‘ziga o‘zi:
— Bu arvohmi yoki odammi?
Yo‘q yo‘lim boshqa tomonga deb ketibdi. Ozgina yurib qarasa, kampir yonida yugurib ketayotganmish. Tezrok haydab ko‘rsa, tengma-teng ketayotganmush. Taksist bu arvoh avariya qilib mendan alamini olmoqchi deb, mashinani to‘xtatib, eshiklarini qulflab, ko‘zini yumib o‘tirsa.
Bir payt o‘zini ozgina rostlagan kampir oynani taqillatib:
— Eshigingni och ko‘ylagimni eshiging qisib qoldi, - dermish.
Bir xo‘jayinning haydovchisi ziyofatlarga borsa, mast bo‘lib qolarkan. Ziyofatdan qaytishda mashinani xo‘jayinni o‘zi haydab ketar ekan.
Bir kuni haydovchi xo‘jayiniga maslahatli ishi bor ekanini aytibdi.
Xo‘jayin:
— Nima gap, - deb so‘rasa:
— Xo‘jayin, ikkovimizga bitta shofyor olsak, qanday bo‘larkin?!, - dermish.
Bir GAI xodimi kimmi to‘xtatsa, xa ota, kelin ota, dokumentlar ota, ota, der ekan. Bir kishi qiziqib so‘rabdi:
— Nimaga siz kottami kichkinami ota ota divurasiz disa
— GAI chunki bulani to‘xtatish uchun shundo palkamni ko‘tarsam bula darrov onamdan so‘kadi dermish....
Bir akaxon qizil mersedesni minib olib, katta ko‘chaning o‘rtasida, 150-170 tezlikda ketayotsa, yonidan bir jism yashin tezligida o‘tib ketibdi.
Hech narsaga tushunmagan akaxon, gazni oxirigacha bosib, uni quvib yetibdi. Qarasa, rangi oqarib ketgan bir odam o‘tirgan emish.
— Menga qarang, nima balo, motoringiz samolyotnikimi?, – co‘rabdi akaxon.
Boyagi odam bo‘lsa:
— Qayoqdan bilay...?! Shunchaki, ’’amerikanskiy gorka”da uchib ko‘rmoqchi edim...! – dermish.
Avtomaktabda dars ketmoqda. Maktab o‘quvchilaridan biri instruktordan so‘rabdi:
— Shu gap rostmi, ayrim ayollar mashinani erkaklardan yaxshi boshqarar emish?
Instruktor:
— Yo‘q, unaqa emas. Ayrim erkaklar xotinlardan battar boshqaradi mashinani.
Bir kuni Afandi yo‘lda ketayotsa svetoforda bir o‘ta zamonaviy qiz mashinasi bilan kelib to‘xtabdi
Afandi ko‘rib:
— Voy-bo‘, buncha chiroyli. Bunaqasini hali ko‘rmagandim, - desa
Haligi qiz:
— Ma’lumot uchun, meni onam shunaqa chiroyli tuqqanlar, onam ham juda go‘zal ayollar, - desa
Afandi:
— Sen onasini qayerdan bilasan? Bu chet elda ishlab chiqarilgan mashina-ku, - dermish
Bir haydovchi mashinasini boshqarib ketayotsa, orqasidan bittasi katta tezlikda kelib uribdi. Birinchi mashina haydovchisi tushib:
— Bu nima qilganing?! Shunaqa-yam haydaydimi? – deb baqira boshlabdi.
Orqadan kelib urgan mashinani haydovchisi bo‘lsa muloyimlik bilan uzr so‘rab:
— Bo‘ldi, hammasini to‘layman. Jonimiz omon qoldi-ku! Keling, sog‘ qolganimizni nishonlaymiz, - deb darrov mashinasidan aroqni olib, bir ryumkada quyib, “Oling, oling” deb ichirib yuboribdi-yu o‘zi ichmabdi.
Aroqni ichib yuborgan haydovchi:
— O‘zing nega ichmading? – desa, orqadan urgan haydovchi:
— Ana, YPH xodimlari kelishyapti. Oldin hal qilib olishsin avariyaga kim aybdorligi, - dermish.
Yangi Cobalt mashinasi svetorofda to‘xtasa, orqasidan eski Matiz kelib qarsillatib uribdi. Cobalt egasi tushib qarasa, Matizni oynalari tonirovka qilingan ekan. Borib oynalarni sindirguday qilib ura boshlabdi. Bir payt Matizni oynasi tushirilgan ekan, ichida yuzi shram, hamma yog‘iga tatuirovka chizilgan, yuzi “sovuq”, qo‘lida to‘pponchasi bor kishi o‘tirgan ekan.⠀
Cobalt egasi unga qarab:⠀
— Boyadan beri mashinangizni pulini to‘lash uchun sizni chaqiryapman. Qancha bo‘ladi? - dermish.
Er-xotin mashinada ketayotishsa, eri magnitofonni ovozini baland qilib, xotiniga "Eshit!", - debdi.
Sherali Jurayevni ''Birinchi muhabbatim'' qo‘shig‘i yangray boshlabdi. Er goh rulga mushtlar, goh "uf-f" deb bosh chayqatar ekan.
Buni ko‘rgan xotini janjal boshlabdi:
— Ha, qarigan chog‘ingizda...?! Birinchi muhabbatingiz yodingizga tushib qoldimi!? Uyatsiz, beandisha, sharmanda...
Er bo‘lsa yana bosh chayqatib:
— Eh xotin, nimalar deyapsan!? Chap tarafdagi kalonkadan "chars-chars" degan tovush chiqyapti. Yangisini olish kerak endi..., - dermish.
Bir shofyor mashinasida har kuni kira qilarkan.Uyiga yarim kechasi kelib, erta tongda chiqib ketarkan. Tabiiyki bu xotiniga yoqmasdi.
Bir kuni xotini:
— Hoy adasi har kuni kelasiz, uhlaysiz saharda yana ketasiz. Sizga tekkanimdan beri rohat nimaligini bilmayman, men axir ayolmanku, menga bir og‘iz shirin gapiz ham yo‘q, - debdi.
Eri:
— Mayli xotin gazga suv quy, isiganda meni uyg‘otarsan, - debdi.
Xotini xursand bo‘lib:
— Ho‘p bo‘ladi arslonim, - debdi.
Suv isitib kelib:
— Turing polvonim, suv isidi kelaqoling o‘zimga, - desa
Eri esnab, ko‘zini ishqalab:
— Ha yaxshi, suvni mashina radiatoriga quyib quy.